Сайт тест режиминде!

2018-жыл 29-декабрь куни Хожели районында «Xodjeyli Baby Garden» Мәмлекетлик емес мектепке шекемги билимлендириў мәкемеси иске түсти

Өзбекстан Республикасы Президентиниң 2018-жыл 5-апрелдеги «Мектепке шекемги билимлендириў системасын жәнеде қоллап қуўатлаў ҳәмде раўажландырыў ис-илажлары ҳаққында»ғы ПҚ-3651-санлы қарарна тийкарланып 2018-жылғы дәстүриге исблермен Утемурат Панаевтың «Xodjeyli Baby Garden» Мәмлекетлик емес мектепке шекемги билимлендириў мәкемеси Хожели районы Шағалакөл МПЖдан бийпул жер бериў тийкарында жаңа қурылыс түринде
75 орынлы мектепке шекемги билимлендириў мәкемесин қурыў усынысын киритти. Жойбар бахасы 3 900 млн. сўм муғдарында болып, банк тәрепинен
2 385 млн сўм жеңиллетилген кредит қаржы ажыратылды.

Қурылыс жумыслары жуўмақланып, 2018-жыл 29-декабр сәнесинде ашылыў салтанатлы кешеси болып өтти. Мектепке шекемги билимлендириў мәкемесин Жоқарғы Кеңес баслығы орынбасары Ҳамраев Атажан Каримович ҳәмде район ҳәкими Ермашев Женгис Маротович ашып берди. Ғалаба хабар қуралларынан Өзбекстан 24 информациялық телеканал хабаршылары қатнасты. Кеше қатнасыўшылары мәкеме имараты менен танысып шықты ҳәмде сапалы қурылыс ислери ушын исбилерменге мәмлекетимиз тәрепинен үлкен миннетдаршылық билдирди.

Соның менен бирге, исбилермен Утемурат Панаев тәрепинен мәкеме хызметлери ушын өз есабынан “DAMAS” автомашинасы саўға қылынды.

Биз исбилерменге ҳәм оның жәмәәтине Мектепке шекемги билимлендириў министрлиги ҳәмде Хожели районлық ҳәкимияты атынан үлкен миннетдаршылық билдирген ҳалда исбилерменниң алдағы жумысларында табыслар тилеп қаламыз.    



Spelling error report

The following text will be sent to our editors: