Сайт тест режиминде!

“Жылдың ең жақсы тәрбияшысы” кәсиплик көрик-таңлаўы Республикалық басқышы өткерилди

2019-жылы 19-20-июнь кунлери Қарақалпақстан Республикасы Халық билимлендириў хызметкерлерин қайта таярлаў ҳәм олардың қәнигелигин арттырыў институтының мәжилислер залында “Жылдың ең жақсы тәрбияшысы” кәсиплик көрик-таңлаўының екинши Республикалық басқышы өткерилди. Таңлаўда “Ең жақсы методист тәрбияшы”, “Ең жақсы дөретиўшилик тәрбияшы” ҳәм «Инновацион ҳәм хабар технологияларын қоллайтуғын ең жақсы тәрбияшы» номинациялары бойынша 3 басқышда болып өтти. “Жылдың ең жақсы тәрбияшысы” кәсиплик көрик-таңлаўы мектепке шекемги мекемелери тәрбияшыларының педагогикалық шеберлигин ҳәм дөретиўшилик қәбилетин раўажландырыў, олардың алдыңғы тәжрийбелерин  ҳәм инновацион билим технологияларын тәлим-тәрбия процессине ен жайдырыўға қаратылған. Қарақалпақстан Республикасы мектепке шекемги билимлендириў министрлигине қараслы мектепке шекемги  билимлендириў мекемелериниң тәрбияшылары арасында көрик-таңлаўының биринши район (қала) басқышысы май айында болып өтти. Буған үш жылдан кем болмаған мийнет стажына ийе болған 276 тәрбияшылар қатнасқан болса, олардан
48 тәрбияшылар жеңимпаз болып екинши басқышына жоллама алып ҳәм көрик-таңлаўының екинши басқышында қатнасты. Бул жеңимпазлар өзлериниң билимин, көнликпесин, шеберлик ҳәм дөретиўшилик жумысларын көрсетти.

Көтериңки ҳәм қызғын руҳта өткен бул таңлаў жуўмағында,
“Ең жақсы методист тәрбияшы” номинациясы бойынша:

Тахиаташ  районы 7-санлы мектепке шекемги билимлендириў мекемеси тәрбияшысы Ярылкапова Дилноза 1-орынды;

Хожели районы 11-санлы мектепке шекемги билимлендириў мекемеси тәрбияшысы Абдуллаева Феруза 2-орынды,

Нөкис қаласы 16-санлы мектепке шекемги билимлендириў мекемеси тәрбияшысы Нурписова Хурлиман 3-орынларды ийеледи.

“Ең жақсы дөретиўшилик тәрбияшы” номинациясы

Қанлыкөл районы 3-санлы мектепке шекемги билимлендириў мекемеси тәрбияшысы Камалова Зинахан 1-орынды;

Шымбай районы 3-санлы мектепке шекемги билимлендириў мекемеси тәрбияшысы Жумағалиева Наргиза 2-орынға,

Қоңырат районы 20-санлы мектепке шекемги билимлендириў мекемеси тәрбияшысы Раметова Эльмира 3-орынларды алды.

«Инновацион ҳәм хабар технологияларын қоллайтуғын ең жақсы тәрбияшы» номинациясы бойынша

Нөкис районы  3-санлы мектепке шекемги билимлендириў мекемеси тәрбияшысы Матниязова Азиза 1-орынды,

Қараөзек районы 1-санлы мектепке шекемги билимлендириў мекемеси тәрбияшысы Талқанбаева Қамажай 2-орынды,

Шоманай районы 11-санлы мектепке шекемги билимлендириў мекемеси тәрбияшысы Даўлетбаева Сапура 3-орынларға мүнәсип деп табылды.

Жуўмақлаў нәтийжелеринде берилген номинациялары бойынша жеңимпазларды көрик-таңлаўдың Өзбекстан Республикалық басқышына қатнасыў жолламасына ийе болды. Жеңимпазларға министрлик тәрепинен диплом ҳәм қымбат баҳалы саўғалар менен сыйлықланды.

????????????????????????????????????

????????????????????????????????????

????????????????????????????????????

????????????????????????????????????

????????????????????????????????????

????????????????????????????????????

????????????????????????????????????



Spelling error report

The following text will be sent to our editors: