Сайт тест режиминде!

Жуўмақлаўшы көшпели қабыллаўлар Қарақалпақстан Республикасының Кегейли ҳәм Бозатаў районларында болып өтти.

Ҳәр бир пуқараның мүрәжатлери дыққат итибардан шетте қалмастан, Қарақалпақстан Республикасының барлық районларында ҳәттеки алыс районларында да көшпели қабыллаўлар даўам етти. Жуўмақлаўшы көшпели қабыллаўлар Өзбекстан Республикасы мектепке шекемги билимлендириў министриниң орынбасары Юлдашев Максуд Абдуллаевич, Қарақалпақстан Республикасы мектепке шекемги билимлендириў министри Уснатдинова Жумагул Шараповна ҳәмде тийисли тараў қәнигелери менен биргеликте Кегейли ҳәм Бозатаў районларында болып өтти.

Усы ўақытқа шекем қабылланған мүрәжатлер ҳәм олардың мәселелери тийисли тәртипте унамлы өз шешимин таппақта. Атап айтқанда, Кегейли ҳәм Бозатаў турғынларынан келип түскен мүрәжатлер бойынша, перзентлерин бақшаға жайластырыў, үй бақшасын шөлкемлестириў ҳәм басқада мәселелери көрип шығылып, тийисли тараў қәнигелери тәрепинен үйренилип, сол жердиң өзинде шешимин тапты.

Пуқаралар бул көшпели қабыллаўлардан қуўанышлы екенликлерин ҳәмде мүрәжатлери шетте қалмастан үйренилип атырғанлықларынан өз миннетдаршылықларын билдирди.



Spelling error report

The following text will be sent to our editors: