Сайт тест режиминде!

Қарақалпакстан Республикасында Педагогика колледжлерине онлайн қабыллаў басланды.

Өзбекстан Республикасы Министрлер Кабинетиниң 2020-жыл 7-август күнги «Өзбекстан Республикасында билимлендириў системасын тәртипке салыўшы норматив-ҳуқықый ҳүжжетлерди тастыйықлаў ҳаққында»ғы
466-санлы қарардың орынланыўын тәмиинлеў мақсетинде, Мектепке шекемги билимлендириў министрлиги қурамына педагогика коллежлери жумысларын нәтийжели алып барыў бойынша ҳүжжетлерди қабыллаў басланды. Бул қарар тийкарында бир қатар ис-илажлар әмелге асырылмақта.

Атап айтқанда, Қарақалпақстан Республикасы бойынша 7 педагогика коллежлери (Беруний, Төрткүл, Тақыятас, Хожели, Шоманай, Шымбай, Қанлыкөл) бар болып, 10 күн мүддет ишинде педагогика коллежлери директорлары менен биргеликте тастыйықланған үлги устав тийкарында ҳәр бир педагогика коллежиниң уставлары ислеп шығыўлары белгиленген. 2020-жыл 2-сентябрьге шекем педагогика коллежлеринде жаңа 2020-2021-оқыў жылына таярлық көриў бойынша шөлкемлестириў ис-илажлары алып барылмақта.

Коллежлерге абитуриентлердиң ҳүжжетлери усы жылдың 25-август сәнесинен 25-сентябрь сәнесине шекем www.kollej.edu.uz электрон платформасы арқалы онлайн қабыл етиледи. Оқыӯ мүддети 2 жыл болып, мәмлекетлик грант ҳәм төлеӯ шәртнама тийкарында оқыӯға қабыл етиледи.

Коллежге төмендеги ҳүжжетлер арқалы:

– Арза;

– Пуқаралық паспорты;

– Улыӯма билим бериӯ мектебиниң 11-классын питкергенлигин тастыйықлаӯшы аттестат (электрон) нусқасы яки орта-арнаӯлы, кәсип-онер коллежлерин тамамлағанлығы ҳаққындағы диплом (электрон) нусқасы;

– 3×4 фотосүӯрет қабыл етиледи.

Абитуриентлер ҳәм олардың ата-аналарын қызықтырған сораўларына жуўап бериў ушын «Колл центр» орайлары иске түсти.

 



Spelling error report

The following text will be sent to our editors: