Сайт тест режиминде!

Нөкис қаласында мектепке шекемги билимлендириӯ шөлкемлери жумысларына тийисли семинар өткерилди

Республика арнаӯлы комиссиясы қарарына муӯапық, усы жылдың
15-августтан баслап мәмлекетлик емес мектепке шекемги билимлендириӯ шөлкемлери жумысларына рухсат берилди.

Сол мүнәсибет пенен, Нөкис қаласы 1-санлы мектепке шекемги билимлендириӯ шөлкеминде министрликтиң бөлим баслықлары, қала ҳәм районлардың мектепке шекемги билимлендириӯ шөлкемлериниң тийисли қәнигелери ҳәмде санитария-эпидемиологиялық тынышлық орайы шыпакерлери қатнасында әмелий семинар болып өтти. Семинарда мектепке шекемги билимлендириӯ шөлкемлеринде санитариялық норма талапларына, жеке гигиена қағыйдаларына қатаң түрде әмел етилиӯин тәмийинлеӯ, вирус тарқалыӯы ҳәм оны жуқтырып алыӯ қәӯпиниң алдын алыӯ бойынша пухта таярлық көриӯ мәселелери ҳақкында сөз етилди.

Сондай-ақ, пандемия дәӯиринде балалардың бағшаға келиӯинен баслап күн даӯамында тәлим-тәрбия алыӯы, дем алыӯы, аӯқатланыӯы, кеӯилашар ойынларда шынығыӯы ушын шәрт-шәраят жаратыӯ бойынша зәрүрли мәсләҳәтлер тыңланды.

Сол менен бир қатарда, санитария-эпидемиологиялық тынышлық орайы шыпакерлери тәрепинен, ҳәр бир шөлкемниң ханалары ҳәмде шөлкем әтираплары тез-тезден дезинфекция етилип турылыӯы, антисептик қураллары менен тәмийинлениӯи шәрт екенликлери ҳақкында түсиндирилип өтилди.

Семинар карантин қағыйдаларына әмел етилген ҳалда алып барылды.

 

 

 



Spelling error report

The following text will be sent to our editors: