Сайт тест режиминде!

ҚАРАҚАЛПАҚСТАН РЕСПУБЛИКАСЫНЫҢ ӘМИЎДӘРЬЯ РАЙОНЫНДА МЕКТЕПКЕ ШЕКЕМГИ БИЛИМЛЕНДИРИЎ ТАРАЎЫ БАСШЫЛАРЫ ТӘРЕПИНЕН КӨШПЕЛИ ҚАБЫЛЛАЎ ӨТКЕРИЛДИ.

Ҳәзирги пандемия дәўирине қарамастан, карантин қағыйдаларына әмел еткен ҳалда ҳәр бир пуқараның мүрәжатлери шетте қалмастан үйренилип, оларға жәрдем көрсетилип қадағалаўға алынбақта. Әмиўдәрья районында көшпели қабыллаў  Өзбекстан Республикасы мектепке шекемги билимлендириў министри биринши өринбасари Олимов  Қахрамон Танзилович, Қарақалпақстан Республикасы мектепке шекемги билимлендириў министри орынбасары Байжанов Тиркешбай Джуматурдиевич, Әмиўдәрья районы мектепке шекемги билимлендириў бөлими баслығы өринбасари Раджапов Ибрагим ҳәмде тийисли тараў қәнигелери менен биргеликте алып барылды.

Көшпели қабыллаўда тийкарынан пуқаралардың мүрәжатлерин тек ғана дизимге алып қойыўдан емес, бәлким мүрәжатты сол жердиң өзинде-ақ шешимин таўып, үйренип, сапластырыўдан ибарат. Буннан басқада, ҳуқықый мәселелер бойынша да мүрәжатлер қабылланып, оларға тийисли қәнигелер тәрепинен кең түрде түсиник жумыслары алып барылды.

Мүрәжатлерди қабыллаўда пуқараларға қолайлы шәраятлар жаратып берилип, ҳәр бир пуқара қандай мәселеде келседе, олардың мүрәжатлери унамлы шешимин тапты.




Spelling error report

The following text will be sent to our editors: