Сайт тест режиминде!

МӘМЛЕКЕТЛИК ЖЕКЕ ШЕРИКШИЛИК ТИЙКАРЫНДА МӘМЛЕКЕТЛИК ЕМЕС МЕКТЕПКЕ ШЕКЕМГИ БИЛИМЛЕНДИРИЎ ШӨЛКЕМЛЕРИН АШЫЎ УШЫН ТАЛАП ЕТИЛЕТУҒЫН ҲҮЖЖЕТЛЕР

Келешегимиз болған  жас әўладты тәрбиялаўда, оларға дәслепки билим бериўде мектепке шекемги билимлендириў шөлкемлериниң орны жудә әҳмийетли. Мектепке шекемги билимлендириў шөлкемлери жоқ аўыл, мәкән пукаралар жыйыны аймақларынан қамтылмаған балаларды мектепке шекемги билимлендириў шөлкемлерине қамтыў мақсетинде, Өзбекстан Республикасы Президентиниң 2018-жыл 5-апрельдеги “Мектепке шекемги билимлендириў  тараўын және де жетилистириў ҳәмде раўажландырыў ҳаққында”ғы ПҚ-3651 санлы қарары қабыл етилди.

     Усы  қарардың  12 бөлиминде жеке мүлик негизинде шөлкемлестирилетуғын мектепке шекемги билимлендириў шөлкеми бойынша исбилермен тәрепинен төмендеги хужжетлер таярланады.

  1. Исбилерменниң жеке паспорт нусқасы.
  2. Гүўалық нусқасы (исбилерменге Мәмлекетлик хызметлер орайы тәрепинен жеке исбилерменлик гүўалығы ашылады);
  3. Устав нусқасы (жеке исбилермен Мәмлекетлик хызметлер орайы тәрепинен шөлкемниң  уставы исленеди);
  4. Жер участкасының гүўалық нусқасы (гуўалық болмаған жағдайда кадастр ҳүжжети топланады);
  1. Имараттың гүўалық нусқасы (гүўалық болмаған жағдайда кадастр ҳүжжети топланады);
  1. Имараттың ҳәмде ханалардың өрт қəўипсизлик талапларына жуўап беретуғынлығы ҳаққында шешими. (районлық Өрт қəўипсизлиги бөлиминен алынады);
  1. Имараттың ҳәмде ханалардың санитария-гигиена қағыйдаларына, жуўап беретуғынлығы ҳаққындағы шешими. (районлық СЭТО нан алынады);
  1. Педагог кадрлардың диплом, паспорт нусқасы (топар  санына қарап);
  1. Мәмлекетлик салық  инспекциясынан мағлыўматнама; (қарызы жоқ деген)
  1. Имараттың  гиреўге қойылмағанлығы ҳаққында мағлыўматнама;
  1. Тастыйқланған фото презентация (имараттың ишки ҳәм сыртқы көринислери);
  1. Исши топар жуўмағы; (ҳәкимият тәрепинен исши топар дүзилип, усыныс  етилген ҳүжжетлер үйренип шығылады ҳәм тийисли жуўмақ бериледи)
  1. Шәртнама еки тәреплеме дүзиледи. (жеке исбилермен ҳәм Өзбекстан Республикасы Мектепке шекемги билимлендириў министрлиги)

Жоқарыдағы көрсетилген ҳүжжетлер таярланып Өзбекстан Республикасы Мектепке шекемги билимлендириў министрлиги менен шəртнама дүзиў ушын жибериледи. Исбилермен Мектепке шекемги билимлендириў министрлиги менен шəртнама дүзгеннен кейин кредит алатуғын  банк пенен шəртнама дузеди. Егер сизде жеке мүлк негизинде мектепке шекемги билимлендириў шөлкемин ашыў мақсети болса, Қанлыкөл районы мектепке шекемги билимлендириў бөлимине келип хабарлассаңыз болады.



Spelling error report

The following text will be sent to our editors: