Сайт тест режиминде!

276 млн сўм кредит есабынан Шымбайда 3 бақша пайдаланыўға тапсырылады

 

Халқ депутатлары Шымбай районлық Кеңесиндеги O‘zLiDeP  депутатлық топарларының нәўбеттеги мәжлиси болып өтти.

Мәжлисте Президентимиздиң  2016-жыл 29-декабрьдеги “2017-2021-жылларда мектепке шекемги билимлендириў системасын жәнеде жетилистириў ис-илажлары ҳаққында”ғы қарарының орынланыўы жүзесинен район мектепке шекемги билимлендириў бөлими баслығы Гулпаршын Айтмуратованың шығып сөйлеген сөзи тыңланды.

Гулпаршын Айтмуратованың айтыўынша, бүгинги кунде Шымбай районында жәми 25 мектепке шекемги билимлендириў мекемеси болып, содан 1 бақша қәнигелестирилген мектепке шекемги билимлендириў мекемеси болып есапланады. Оларда жәми 282 педагог-тарбияшылар хызмет көрсетип атырған болса,  содан 61хызметкер жоқары мағлуматлы,  221хызметкер орта-арнаўлы билим дәрежасине ийе қәнигелер.

–“белсенди исбилерменлик, инновацион идеялар ҳәм  технологияларды қоллап-қуўатлаў жылы” Мәмлекетлик дәстүр тийкарында 2018-жыл февральдан, райондағы 1, 4, 27, 33–санлы  мектепке шекемги билимлендириў мекемелеринде қайта реконструкция ислери баслап жиберилди, – дийди Г.Айтмуратова. – Соның менен,  жақын 276 млн 200 мың сўм кредит есабынан 50 орынға мөлшерленген “Тазғара”, “Гужимли”,  “Қаракөл” АПЖ аймағында 3 үй бақшасы пайдаланыўға тапсырылады. Итибарлысы, МШБМне саплы ҳәм арзан азық-аўқат өнимлерин жеткерип бериў мақсетинде ҳәр бир мекемеге көп тармақлы фермер хожалыклары бириктирилди.

 

Мажлис күн тәртибиндеги мәселелер жүзесинен Халық депутатлары Шымбай районлық Кеңесиндеги O‘zLiDeP депутатлық топарлардың тийисли қарары қабыл қылынды.

 

 

Дерек: kruz.uz