Сайт тест режиминде!

Қарақалпақстан Республикасы Жоқарғы Кеңесиниң 2018-жыл 16-март күни болып өткен гезексиз жигирмаланшы сессиясы ҳаққында

2018-жыл 16-март куни Қарақалпақстан Республикасы Жоқарғы  Кеңесиниң  гезексиз жигирмаланшы  сессиясы болып өтти.

Сессияда Қарақалпақстан Республикасы Мектепке шекемги билимлендириў тараўын раўажландырыў, мәмлекетлик жеке-меншик шериклик тийкарында мәмлекетлик емес мектепке шекемги билимлендириў мәкемелери тармағын кеңейтиў жумысларын жеделлестириў, ушырасып атырған машқалаларды сапластырыў ҳәмде алдағы ўазыйпаларды әмелге асырыў иләжлары туўралы мәселелер қарап шығылды.

Күн тәртибиндеги мәселе бойынша Қарақалпақстан Республикасы Министрлер Кеңеси баслығы орынбасары М.Жуманов “Қарақалпақстан Республикасында 2018-жылда мәмлекетлик жеке меншик шериклик сектор тийкарында шөлкемлестирилетуғын мәмлекетлик емес мектепке шекемги билимлендириў мәкемелеринен Қарақалпақстан Республикасы бойынша жәми 179 (МЕМШБ) мәкемелер бойынша есабаты тыңланды.

Сондай-ақ, Қарақалпақстан Республикасы Мектепке шекемги билимлендириў министри Ж.Уснатдинованың мектепке шекемги билимлендириў тараўында бүгинги күнде алып барылып атырған жумыслар ҳәм алдағы ўазыйпалары бойынша есабаты тыңланды.

Сессияда Қарақалпақстан Республикасында мектепке шекемги билимлендириў тараўын раўжландырыў бойынша 2018-жылға мөлшерленген “Жол карта”сы  тастыйықланды.

Сессия соңында күн тәртибиндеги мәселе бойынша тийисли қарар қабыл етилди.

Фоторепортаж:

 

 

Дерек:    Министрлик Хабар хызмети