Сайт тест режиминде!

Нөкис қаласында  №1 «Мениң қуяшым» мәмлекетлик жеке меншик шериклик тийкарындағы мектепке шекемги билимлендириў мәкемеси иске түсирилди.

  Өзбекстан Республикасы Президентимиз Қарақалпақстан Республикасында 2018-жылды “Мектепке шекемги билимлендириў мәкемелери жылы” деп жәрияланыўы ҳәм Ҳүрметли Президентимиздиң 2017-жыл

15-16-декабрь күнлери Қарақалпақстан Республикасына сапары даўамында мектепке шекемги билимлендириў тараўы алдына бир қатар ўазыйпаларды белгилеп берди соның ишинде мәмлекетлик жеке меншик шериклик секторы тийкарында мектепке шекемги билимлендириў мекемелерин қурыў бойынша тапсырмалар берилген еди. Усы бағдардағы алып барылып атырған жумыслар тийкарында 2018-жыл Нөкис қаласы аймағында 30  мәмлекетлик жеке меншик шериклик секторы тийкарында мәмлекетлик емес мектепке шекемги билимлендириў мәкемелерин қурыў белгиленген. Соннан, 2018-жыл 3-апрель күни Нөкис қаласы “Қос булақ” МПЖ аймағында  50 орынлы «Мениң қуяшым»  мәмлекетлик жеке меншик шериклик тийкарындағы бақша ашылыўы кешеси болып өтти. Бул билимлендириў мәкемесине аймақтағы 50 баланы қамрап алынады. Келешекте бул бақшада рус, инглиз тиллерин үйретиў ҳәм ҳәр қыйлы дөгереклерин ашыўды режелестирилмекте. Усы мәкеме иске түсиўи менен

11 адамға жаңа жумыс орынлары жаратылды. Кешениң ашылыў салтанатына Қарақалпақстан Республикасы Жоқарғы Кеңеси баслығы орынбасары

А.Ҳамраев, Қарақалпақстан Республикасы Жоқарғы Кеңеси комитет баслығы Д.Қурбаниязов, Қарақалпақстан Республикасы Мектепке шекемги билимлендириў министри Ж Уснатдинова, Нөкис қаласы ҳәкими  П Турешеев, Нөкис қаласы ҳәм барлық районлық мектепке шекемги билимлендириў бөлими баслықлары ҳәм тийисли қәнийгелери қатнасты.