Сайт тест режиминде!

Қанлыкөл районында жаңадан заман талабына сай мектепке шекемги билимлендириў шөлкеми пайдаланыўға тапсырылды

Өзбекстан Республикасы Президентиниң «Өзбекстан Республикасының 2019-жылға мөлшерленген Инвестиция дәстүрин әмелге асырыў ис-илажлары ҳаққында»ғы ПҚ-4067-санлы қарары тийкарында Қанлыкөл районы Мектепке шекемги билимлендириў бөлимине қараслы “Қанлыкөл” посёлка пуқаралар жыйыны аймағында жайласкан 13-санлы мектепке шекемги билимлендириў шөлкемине қосымша 125 орынлық жаңадан мектепке шекемги билимлендириў шөлкемин салыў 2019-жыл май айында режелестирилди ҳәм қурылыс ислери басланған еди.

Қурылысқа 3 млд 351 млн сўм муғдарында қаржы ажыратылып “Нукус Қурылыс Монтаж Сервис” жуўапкершилиги шекленген жәмийет тәрепинен қурылыс жумыслары алып барылды.

Қанлыкөл районы аймағында улыўма мектепке шекемги билимлендириў шөлкемине қамтып алыныўы тийис 3-7 жас балалар саны 4174 бала болып соннан ҳәзирги кунде 2112 бала мәмлекетлик мектепке шекемги билимлендириў шөлкемлерине, 248 бала жеке шерикшилик тийкарындағы мәмлекетлик емес мектепке шекемги билимлендириў шөлкемлерине, 126 бала шаңарақ мәмлекетлик емес мектепке шекемги билимлендириў шөлкемлерине қамыралды ҳәм район бойынша қамыраў көрсеткиши 59,6 % қурайды.
“Қанлыкөл” посёлка пуқаралар жыйыны аймағында улыўма 3-7 жас балалар саны 587 бала болып соннан ҳәзирги кунде 317 бала мектепке шекемги билимлендириў шөлкемлерине қамыралған.
Мектепке шекемги билимлендириў шөлкеминиң бурынғы қуўатлығы 50 орынлық болса ҳәзирги куни курылыс жумыслары жуўмақланғаннан соң 125 орынлық болып асырылды.

Жаңадан 5 топар ашылды ҳәм 10 адам жумыс пенен тәмийинленди.МШБШ жана имаратында балалар ушын музыка ханасы, руўхый-ағартыўшылық ханасы, асхана, жуўыныў ханалары салынды, ыссы ҳәм суўық суў менен тәмийинленди. Заман талабына сай қатты ҳәм жумсақ инвентарлар, ойыншықлар менен тәмийинленди.
Сондай-ақ, Өзбекстан Республикасы Президентиниң 2018-жыл 5-апрельдеги ПҚ-3651-санлы карары тийкарында Қанлыкөл районында Мәмлекетлик жеке шериклик тийкарында Наўрыз аўыл пуқаралар жыйыны аймағынан 50 орынлық жаңадан “Нәўше гуллери” мәмлекетлик шерикшилик тийкарында мәмлекетлик емес мектепке шекемги билимлендириў шөлкемин салыў ушын Өзбекстан Республикасы Мектепке шекемги билимлендириў министрлиги, Қаракалпақстан Республикасы Министрлер Кеңеси ҳәм исбилермен арасында 1 миллиард 750 миллион сумлық уш тәреплеме “Шәртнама” дузилди.
Шәртнама тийкарында “УзСанаатқурилиш” банктиң Карақалпақстан Республикасы Қоңырат районлық филиалы тәрепинен 75 пайызы 800 миллион сум кредит пуллары ажыратылды ҳәм мәмлекетлик шерикшилик тийкарында мәмлекетлик емес мектепке шекемги билимлендириў шөлкеминиң қурылыс жумыслары алып барылды.
“Нәўше гуллери” мәмлекетлик жеке шерикшилик тийкарында мәмлекетлик емес МШБШ де барлық имканиятлар жаратылған балалар ушын музыка ханасы, руўхый-ағартыўшылық ханасы, шет тили ханасы, массаж ханасы, спорт зал, асхана, жуўыныў ханалары бар, ыссы ҳәм суўық суў менен тәмийинленген.
Заман талабына сай қатты ҳәм жумсақ инвентарлар, ойыншықлар, компьютер, телевизорлар менен тәмийинленди.
Буннан басқада 3-7 жас балалар ушын мәмлекетлик талапларға сай билим бериў мақсетинде рус тили ҳәм шет тили дөгереклери, спорттың шахмат-шашка, карате, гимнастика дөгереклери шөлкемлестирилди. Жумыссыз журген 7 жас жумыс пенен тәмийинленди.
Усы жылдың 25-декабрь күни усы мектепке шекемги билимлендириў шөлкемлериниң салтанаты болып өтти.