Сайт тест режиминде!

Өзбекстан Республикасы Қураллы Қүшлериниң шөлкемлестирилгенлигиниң 28 жыллығы ҳәмде Ўатан қорғаўшылары күни байрамын ѳткериў бойынша Қараѳзек районы мектепке шекемги билимлендириў шөлкемлеринде байрам кешелери ѳткерилди.

Ѳзбекстан Республикасы Президентиниң 2019-жыл 13-декабрьдеги “Ѳзбекстан Республикасы Қураллы Күшлериниң шѳлкемлестирилгенлигиниң 28 жыллығы ҳәмде Ўатан қорғаўшылар күнин белгилеўге таярлық кѳриў ҳәм ѳткериў ис-илажлары ҳаққында”ғы Ф-5529-санлы бийлиги ҳәмде Ѳзбекстан жаслар аўқамы Қарақалпақстан Республикасы Кеңесиниң 2019-жыл 19-декабрьдеги 04-01/330-санлы бийлигине тийкар, усы жылдың 15-декабрьден 15-январь күнине шекем “Ўатансүйиўшилик айлығы” мүнәсибети менен 2020-жылдың 9-январь күни Республика Руўхый ҳәм ағартыўшылық орайы Қараѳзек районы бѳлими, районлық Қорғаныў бѳлими ҳәмде Мектепке шекемги билимлендириў бѳлими менен биргеликте 2-санлы мектепке шекемги билимлендириў шѳлкеминде “Бизлер келешекте ўатан қорғаўшылары боламыз” ураны астында руўхый-ағартыўшылық илажлары ѳткерилди. Мектепке шекемги билимлендириў шѳлкеминиң тәрбияланыўшы балажанларының атқарыўында әскерий ойынлар, қосықлар ҳәм сахналық кѳринислер қойып берилди. Илаж даўамында тәрбияланыўшы балажанлар тәрепинен қосық ҳәм тақмақлар айтылды.

2020-жылдың 10-январь күни 9-санлы мектепке шекемги билимлендириў шѳлкеминиң тәрбияланыўшыларына тәрбияшылары тәрепинен районлық Қорғаныў бѳлимине саяхат шѳлкемлестирилди. Қорғаныў бѳлими хызметкерлери балажанлар менен Ѳзбекстан Республикасы Қураллы күшлери ҳаққында сәўбетлесиўлер ѳткерди.

Ѳзбекстан Республикасы Президентиниң 2019-жыл 13-декабрьдеги “Ѳзбекстан Республикасы Қураллы Күшлериниң шѳлкемлестирилгенлигиниң 28 жыллығы ҳәмде Ўатан қорғаўшылар күнин белгилеўге таярлық кѳриў ҳәм ѳткериў ис-илажлары ҳаққында”ғы Ф-5529-санлы бийлиги ҳәмде Ѳзбекстан жаслар аўқамы Қарақалпақстан Республикасы Кеңесиниң 2019-жыл 19-декабрьдеги 04-01/330-санлы бийлигине тийкар, усы жылдың 15-декабрьден 15-январь күнине шекем “Ўатансүйиўшилик айлығы” мүнәсибети менен 2020-жылдың 10-январь күни Республика Руўхый ҳәм ағартыўшылық орайы Қараѳзек районы бѳлими, районлық Қорғаныў бѳлими ҳәмде Мектепке шекемги билимлендириў бѳлими менен биргеликте 5-санлы мектепке шекемги билимлендириў шѳлкеминде руўхый-ағартыўшылық илажлары ѳткерилди. Илаж даўамында тәрбияланыўшы балажанлар тәрепинен қосық ҳәм тақмақлар айтылды.