Сайт тест режиминде!

Қарақалпақстан Республикасы Мектепке шекемги билимлендириў министрлигиниң қалалық ҳәм районлар мектепке шекемги билимлендириў бөлимлерине қараслы Мектепке шекемги билимлендириӯ шөлкемлеринде «Дәслепки қәдем» мәмлекетлик оқыӯ «Бес орай тийкаринда сабақ өтиӯди шөлкемлестириӯ» атамасында өткерилген семинар тренинг болып өтти.

Бул семинар 2020-жыл 1-февраль күни Қарақалпақстан Республикасының қала районларын

да болып өтти. Атап айтқанда Беруний районының 18-сонлы Мектепке шекемги билимлендириў шөлкеминде жаслар руўхыятын көтериў ҳәм олардың бос ўақытларын мазмунлы шөлкемлестириў бойынша алдыға қойылған 5 әхмиетли басламасының орынланыўын тәмийинлеў мақсетинде “Биз келешекти жаслар менен биргеликте қурамыз” атамасында семинар тренинг болып өтти хәм бул семинарды МШБ бөлими баслығы Д.Абдуллаев, Руўхыйлық хәм ағартыўшылық ислери бойынша бөлим баслығы М.Валиева, Тәлим-тәрбия сыпатын тәмийинлеў хәм методик хызмет көрсетиў бөлими баслығы С.Тасимов хәмде педагогика колледжи Мектепке шекемги шөлкеми бағдары оқыўшылары қатнасты.

Кегейли районының 6-санлы мектепке шекемги билимлендириў шөлкеминде психолог қәнийгелер арасында “Жас топарларда тәрбияланыўшылардың психологиялық раўажланыўын үйрениў” темасында семинар болып өтти. Бул семинарда психолог қәнийгелер өзлериниң жөнелиси бойынша шөлкем тәрбияшыларына түсиник берип өтти. Бунда психологлардың тәрбияланыўшылар менен қалай ислесиўи ҳәмде олардың минез хулқылары, оларды келешекте жәмийиетке керекли инсанлар етип тәрбиялаўда ата-аналар менен еле де биргеликте жумыс алып барыў ҳаққында додалау өткерилди.

Нөкис районы 2-санлы мектепке шекемги билимлендириў шөлкеминде «Дәслепки қәдем» мәмлекетлик оқыў  дәстүри ҳәм мектепке шекемги билимлендириўге қойылатуғын Мамлекетлик талаплар  хаккында семинар тренинг кешеси болып өтти. Семинар тренингти Нөкис районы Мектепке шекемги билимлендириў бөлиминиң Мәмлекетлик ҳәм мәмлекетлик емес МШБШлери жумысын ағартыудың альтернатив түрлерин шөлкемлестириў сектор баслығы У.Басымбетова  ашып берди ҳәм «Дәслепки қәдем» мәмлекетлик оқыў дәстүри бойынша әмелге асырылған жумыслар, белгиленген ўазыйпалар хаққында айтып өтти. «Дәслепки қәдем» мәмлекетлик оқыў  дәстүри ҳәм мектепке шекемги билимлендириўге койылатуғын Мәмлекетлик талаплар  хаққында тәрбияшыларға кеңнен түсиниклер берип өтти. Тәрбияшылар арасында методикалык ойынлар шөлкемлестирди.

Соң «Көзмоншақ» шаңарақлық мәмлекетлик жеке-шериклик мектепке шекемги билимлендириў шөлкеми үлкен  топар тәрбияшы Э.Гажарова өзиниң жумыс искерлигинде қыйыншылық туўдыратуғын сораўларына жуўаплар алды. Семинар тренинг соӊында сораў жуўап тәризинде даўам етти.

Бул семинар тренинг нәтийжесинде тәрбияшылар көплеген мағлыуматларға ийе болды ҳәм бир-бири менен тәжрийбелер алмасты.

Шоманай районы Педогогика колледжинде районлық Мектепке шекемги билимлендириў бөлимине қараслы барлық Мәмлекетлик мектепке шекемги билимлендириў шөлкеми, мәмлекетлик жеке-шериклик, шаңарақ мәмлекетлик жеке-шериклик мектепке шекемги билимлендириў шөлкемлери директорлары, тәрбияшы ҳәм жәрдемши тәрбияшылары қатнасында, Мектепке шекемги билимлендириў шөлкемлеринде «Дәслепки қәдем» мәмлекетлик оқыў дәстүри бойынша «Бес орай тийкаринда сабақ өтиўди шөлкемлестириў» атамасында семинар тренинг кешеси болып өтти.

Семинар тренингти Шоманай районы Мектепке шекемги билимлендириў бөлими баслығы Б.Прназаров ашып берди ҳәм «Дәслепки қәдем» мәмлекетлик оқыў дәстүри бойынша әмелге асырылған жумыслар, белгиленген ўазыйпалар туўралы баянат жасады. Белгиленген кесте тийкарында районлық мектепке шекемги билимлендириў бөлимине қараслы 1-санлы мектепке шекемги билимлендириў шөлкеми директоры Г.Фазылбекова «Дәслепки қәдем» мәмлекетлик оқыў дәстүри бойынша «Бес орай тийкарында сабақ өтиўди шөлкемлестириў» атамасында бир саатлық исленбе тийкарында кеӊнен сабақ өтти.