Сайт тест режиминде!

ҚЫЙТАҚ ЖЕР – МОЛ ДӘРАМАТ ДЕРЕГИ. Қанлыкөл районы мектепке шекемги билимлендириў бөлими тəрепинен де кем тәмийинленген, өзгениң күтимине мүтәж ҳәм жалғыз баслылар ушын палыз өнимлериниң нәллери бийпул тарқатылмақта.

Өзбекстан Республикасы Президенти Шавкат Мирзиёевтиң басшылығында 8-апрель күни коронавирус пандемиясына қарсы гүресиўде орынлардағы жумыслардың нәтийжелилигин таллаў ҳәм азық-аўқат қәўипсизлигин тәмийинлеў, халықтың бәнтлигин ҳәм дәраматын арттырыўдың әҳмийетли дереги болған қыйтақ жерди раўажландырыўға бағышланған видеоселектор мәжилиси болып өткен еди.

Онда усындай сынақлы ўақытларда қыйтақ жерлерге егин егиў, оннан нәтийжели пайдаланыў, 2-3 мәрте егин егип қосымша өним алыўда зәрүр илажларды әмелге асырыў бойынша тапсырмалар берилди.

Берилген тапсырмалардың орынланыўы жүзесинен, Қанлыкөл районында да бир қатар илажлар әмелге асырылмақта. Районлық мектепке шекемги билимлендириў бөлими ҳəм шөлкеми хызметкерлери кем тәмийинленген, өзгениң күтимине мүтәж ҳәм жалғыз баслылар ушын палыз өнимлериниң нәллери бийпул тарқатылмақта.

Бизге белгили, мәмлекетимиз басшысы тәрепинен коронавирус пандемиясының  тарқалыў шеңберин шеклеў, инфекцияның халық турмысы ҳәм мәмлекеттиң экономикасына тийгизип атырған унамсыз тәсирин жумсартыў бағдарында бир қатар әҳмийетли қарарлар қабыл етилмекте. Орынлардағы басшылар, усы қарарлардың орынланыўын тәмийинлеў бойынша күш жумсап атырған бир пайытта, пуқаралар да өзлери ҳәм шаңарақ ағзалары ушын тамарқаларынан үнемли пайданып, түрли палыз ҳәм мийўе нәллерин тигип барса, мақсетке муўапық болар еди. Өйткени, қыйтақ жер- мол дәрамат дереги.