Сайт тест режиминде!

Нөкис районы Мектепке шекемги билимлендириў бөлими тәрепинен шөлкемлестирилген «Ҳәр бир балаға меҳир» акциясы шеңберинде жумыслар алып барылды.

Нөкис районы Мектепке шекемги билимлендириў бөлими басламасы менен шөлкемлестирилген «Ҳәр бир балаға меҳир» акциясы шеңберинде мектепке шекемги билимлендириў бөлими ҳәм Жаслар аўқамы Нөкис районлық кеңеси менен биргеликте қәбилетли балаларды ҳәр тәреплеме қоллап-қуўатлаў,районның ең шетки аўыллық пунктлеринде мектепке шекемги билимлендириў жасындағы инталы балалардың қәбилетлерин баҳалаў мақсетинде шөлкемлестирилген «Talanted children» онлайн  таңлаўы шөлкемлестирилип, таңлаўда жеңимпаз болған қәбилетли балалар  анықланып, жеңипазлар ҳүрмет жарлықлары ҳәм баҳалы саўғалар менен сыйлықланды.

Сондай-ақ иләж даўамында май айының 18-сәнесинде туўылған мектепке шекемги билимлендириў жасындағы (әсиресе солардың ишиндде узақ аўыллық орынлардағы, кем тәмийинленген, социаллық қорғаўға мүтәж шаңарақ перзентлери) тәрбияланыўшыларға кутилмеген саўға етиў мақсетинде олардың жағдайларынан хабар алынып, қымбат баҳалы саўғалар, қутлықлаў тилеги жазылған саўғалар тапсырылды. Иләж даўамында шөлкемлестириўшилер тәрепинен «Арбашы» АПЖ,  «Қутанкөл» МПЖ, «Ақмаңғыт» ППЖ, «Төктаў» МПЖ аймағында жасаўшы шаңарақ перзентлерине саўғалар тапсырылды. Бундай иләжлар еле де даўам етеди.