Сайт тест режиминде!

Қарақалпақстан Республикасы Әмиўдәрья, Беруний, Төрткүл ҳәм Елликқала районларының мектепке шекемги тәлим тараўына тийисли мүрәжатлери өз шешимин тапты.

Өзбекстан Республикасы Президенти Администрациясының 2020-жыл 11-июнь күнги 07-1852-санлы тапсырмасына тийкар, халықтың мәмлекет шөлкемлерине болған исенимин жәнеде беккемлеў, ең көп мүрәжатлер келип түсип атырған тараўлар бойынша машқалаларын шешиў мақсетинде, Өзбекстан Республикасы мектепке шекемги билимлендириў министриниң орынбасары Юлдашев Максуд Абдуллаевич, Қарақалпақстан Республикасы мектепке шекемги билимлендириў министрлиги ҳәмде бир қатар тараў қәнигелери тәрепинен Әмиўдәрья, Беруний, Төрткүл ҳәм Елликқала районларына көшпели қабыллаўлар шөлкемлестирилди.

Көшпели қабыллаўлардан тийкарғы мақсет, халықтың мүрәжатлерин үйрениў, дәртин тыңлаўдан ибарат. Мүрәжатлердиң тийкарғы бөлеги, кредитлер алыў, жумыс пенен тәмийинлеў ҳәмде мектепке шекемги билимлендириў шөлкемлерине перзентлерин орналастырыў ҳаққында болып өтти.

Халықтан келип түсип атырған мүрәжатлерди  шешиў ҳәм оларға шешим табыў ҳәмде өзлерин қыйнап келген мәселелери бойынша тийисли қәнигелер тәрепинен үйренилип, унамлы шешимин тапты.

Сондай-ақ, Беруний районында жасаўшы пуқара Абдраманова Тургонгул Базарбаевна ҳәзирги ўақытта ўақтынша жумыссыз екенлиги ҳәмде жумыс пенен тәмийинлеў мәслелеси бойынша мүрәжаты көрип шығылды. Мүрәжаты унамлы тәрепке шешилип, райондағы 16-санлы  мектепке шекемги билимлендириў шөлкеминдеги кир жуўыўшы лаўазымына жумысқа қабыл етилди. Буннан тысқары, мүрәжат пенен келген турғынлардың бәрше мәселелери үйренилип, қадағалаўға алынды ҳәм унамлы шешилди.

Сол менен бир қатарда, ҳәзирги пандемия дәўиринде халықтың саламатлығын сақлаў ҳәм алдын алыў мақсетинде, көшпели қабыллаўларда 2 метр аралықты сақлаған ҳалда ҳәм қорғаўшы нықаплар менен қорғанған ҳалда алып барылды. Көшпели қабыллаўлар басқа районларда да даўам етпекте.