Сайт тест режиминде!

Қарақалпақстан Республикасы Шымбай, Қараөзек, Тахтакөпир районларында Өзбекстан Республикасы мектепке шекемги билимлендириў министриниң орынбасары Юлдашев Максуд Абдуллаевичтиң көшпели қабыллаўлары даўам етпекте.

 

Халықтың машқалаларын үйрениў, оларды қыйнап жүрген сораўларына жуўап бериў ҳәмде ҳәзирги пандемия дәўиринде түрли мүтәжликлерине шешим табыў бойынша бир қатар районларда көшпели қабыллаўлар шөлкемлистирилди. Өзбекстан Республикасы мектепке шекемги билимлендириў министриниң орынбасары Юлдашев Максуд Абдуллаевич, Қарақалпақстан Республикасы мектепке шекемги билимлендириў министри Уснатдинова Жумагул Шараповна ҳәмде тийисли тараў қәнигелери менен биргеликте бул сапарғы көшпели қабыллаўларын Шымбай, Қараөзек ҳәм Тахтакөпир районларында даўам етпекте.

Көшпели қабыллаўларда ҳәр бир пуқараның мүрәжатлери шетте қалмастан үйренилип, ҳуқықый түсиниклер берилип, унамлы тәрепке өз шешимин таппақта. Ҳәзирги карантин дәўиринде айырым пуқаралар ўақтынша жумыссыз болып қалғанлығы ҳәмде үйинде отырып өз бизнеслерин шөлкемлестириў мақсетинде кредитлер алыў бойынша жәрдем сорап мүрәжат еткенлерге тийисли тәртипте түсиниклер берилди.

Сондай-ақ, пуқаралардың басқа мәселелери үйренилип, дизимге алынып, қадағалаўға алынды. Көшпели қабыллаўлар халықтын машқалаларын үйрениў ҳәм өз шешимин табыў мақсетинде басқа районларда да даўам етпекте.