Сайт тест режиминде!

Қанлыкөл районында «Балалар күлкиси бизиң бахтымыз» атамасында онлайн көрик таңлаўы болып өтти.

Өзбекстан Республикасы Президентиниң 2019-жыл 3-апрель күнги жаслар тәлим тәрбиясы ушын қосымша шәраятлар жаратыў, ҳаял-қызлар бәнтлигин асырыўға қаратылған комплекс ис-илажларды өз ишине алған бес басламаны әмелиятқа енгизиў бойынша өткерилген жыйналыс тапсырмаларының орынланыўы бойынша «Балалар күлкиси бизиң бахтымыз» атамасында Қанлыкөл районы мǝмлекетлик ҳǝм мǝмлекетлик жеке шерикшилик тийкарындағы мектепке шекемги билимлендириў шөлкемлери тǝрбияланыўшылары арасында онлайн көрик таңлаўы болып өтти.

Көрик таңлаўдың тийкарғы мақсети, мектепке шекемги жас әўладларды жетик кǝмил инсан етип тǝрбиялаў, бос ўақытларын мазмунлы өткериў, оларды мǝденият, спорт, китап оқыўға деген қызыўшылығын арттырыў бойынша бес баслама тийкарында онлайн көрик таңлаўы шөлкемлестирилди. Ҳәзирги пандемия дәўиринде халықтын саламатлығын сақлаў мақсетинде көрик таңлаў онлайн тәризинде алып барылды. Шөлкемлерде тǝрбияланып атырған тǝрбияланыўшылардан өзлериниң қосық айтыў, сазлы намаға ойынға түсиў, сүўрет салыў, спорт өнерлерин көрсетиў (гимнастика, каратэ, бокс) ҳәм басқада бойынша онлайн тǝризде видеокөринислери жәмленип, төрешилер тǝрепинен баҳаланып барылды.

Онлайн көрик танлаўының  бес бағдар бойынша женимпазлары анықланып, карантин қағыйдаларына әмел еткен ҳалда шөлкемлестириўшилер тәрепинен оларға хүрмет жарлығы ҳǝм қымбат баҳалы саўғалар тапсырылды.