Сайт тест режиминде!

Қарақалпақстан Республикасы Нөкис қаласы, Тақыятас, Хожели, Нөкис районларындағы көшпели қабыллаўлар халық хызметинде.

Өткен санларымызда айтып өткенимиздей, районларға болған көшпели қабыллаўлар даўам етпекте. Атап айтқанда, бул сапарғы көшпели қабыллаўлар Нөкис қаласы, Тақыятас, Хожели ҳәмде Нөкис районларында болып өтти. Халықтын дәрти менен тең жүрген ҳалда, ҳәр бир райондағы  ҳәттеки, алыс болған аўылларда да турғынлардың машқалаларын үйрениў, оларға унамлы шешим табыў мәселелери қаралып шығылмақта.

Машқаласыз инсанның өзи болмайды. Ҳәр бир шаңарақтың өзине тийисли болған мүтәжликлерин қандырыў ҳәм оларға қолдан келгенше шешим табыў мәселелери үйренилмекте. Өзбекстан Республикасы мектепке шекемги билимлендириў министриниң орынбасары Юлдашев Максуд Абдуллаевич, Қарақалпақстан Республикасы мектепке шекемги билимлендириў министри Уснатдинова Жумагул Шараповна ҳәмде тийисли тараў қәнигелери менен биргеликте бир қанша пуқаралардың мүрәжатлери ўйренилип, олардың дерлик 73,3 % сол жердиң өзинде-ақ унамлы шешимин тапты.

Атап айтқанда, Хожели районы, Өзбекстан көшесинде жасаўшы пуқара Гулайым Алманова мектепке шекемги билимлендириў бөлиминде жумыс ислегенлиги, бирақ штатлардың қысқарып қалғанлығы себепли ҳәзирги күнде жумыссыз екенлигин айтып мүрәжат етти. Райондағы мектепке шекемги билимлендириў бөлиминиң басқа лаўазымына жумысты усыныс етти ҳәмде пуқара бул усынысты қабыллап, сол жердиң өзинде-ақ, мүрәжаты қанаатландырылды. Буннан тысқары, Нөкис районы, Саманбай аўыл пуқаралар жыйынында жасаўшы пуқара Меруерт Ермашева мәмлекетлик жеке шерикшилик тийкарында шаңарақлық мектепке шекемги билимлендириў шөлкемин ашыў бойынша мүрәжат етти. Бул пуқараның мүрәжаты тийисли қәнигелер тәрепинен үйренилип, мәмлекетлик жеке шерикшилик шәртнамасы имзаланды ҳәм пуқараның мүрәжаты унамлы шешим тапты.

Сол менен бир қатарда, Нөкис қаласы ҳәм Нөкис районларында жасаўшы пуқаралардан билимлендириў шөлкемин ҳәм үй бақшасын шөлкемлестиргенлер Гулбаҳар Сапарова, Урхия Тәңирбергенова, Меруерт Ермашева, Атабек Даўлетмуратов, Гулнара Ерназарова, Гулзийра Мамбеткаримова, Гулшад Исакова, Светлана Қалниязова ҳәмде Хожели районында жумыс ислеген мектепке шекемги билимлендириў шөлкеми баслықларынан, сондай-ақ, Тазагул Пиримова, Мавлуда Сапаева, Айгул Искендеровалар мектепке шекемги билимлендириў тараўында ислеген хызмет ҳәм мийнетлери ушын  Өзбекстан Республикасы Мектепке шекемги билимлендириў министри орынбасары М.А.Юлдашевтан Алғыснамалар менен сыйлықланды