Сайт тест режиминде!

Қарақалпақстан Республикасының алыс болған Мойнақ, Қоңырат, Шоманай ҳәмде Қанлыкөл районларындағы көшпели қабыллаўлар даўам етпекте.

Ҳәзирги пандемия даўирине қарамастан, карантин қағыйдаларына әмел еткен ҳалда ҳәр бир пуқараның мүрәжатлери шетте қалмастан үйренилип, оларға жәрдем көрсетилип қадағалаўға алынбақта. Ең алыс болған Мойнақ, Қонырат, Шоманай ҳәмде Қанлыкөл районларында көшпели қабыллаўлар  Өзбекстан Республикасы мектепке шекемги билимлендириў министриниң орынбасары Юлдашев Максуд Абдуллаевич, Қарақалпақстан Республикасы мектепке шекемги билимлендириў министри Уснатдинова Жумагул Шараповна ҳәмде тийисли тараў қәнигелери менен биргеликте алып барылды.

Көшпели қабыллаўларда тийкарынан пуқаралардың мүрәжатлерин тек ғана дизимге алып қойыўдан емес, бәлким мүрәжатты сол жердиң өзинде-ақ шешимин таўып, үйренип, сапластырыўдан ибарат. Буннан басқада, ҳуқықый мәселелер бойынша да мүрәжатлер қабылланып, оларға тийисли қәнигелер тәрепинен кең түрде түсиник жумыслары алып барылды.

Мүрәжатлерди қабыллаўда пуқараларға қолайлы шәраятлар жаратып берилип, ҳәр бир пуқара қандай мәселеде келседе, олардың мүрәжатлери унамлы шешимин таппақта.