Сайт тест режиминде!

НӨКИС ҚАЛАСЫНДА «ӘМИЎДӘРЬЯ» МПЖ АЙМАҒЫНДА «НУРАТДИН-ДИАНА» МӘМЛЕКЕТЛИК ЖЕКЕ МЕНШИК ШЕРИКЛИК ТИЙКАРЫНДАҒЫ МӘМЛЕКЕТЛИК ЕМЕС МЕКТЕПКЕ ШЕКЕМГИ БИЛИМЛЕНДИРИЎ ШӨЛКЕМИ АШЫЛДЫ.

Өзбекстан Республикасы Президентиниң 2017-жыл 15-16-декабрь күнлери Қарақалпақстан Республикасына сапары даўамында берилген тапсырмаларды орынлаў мақсетинде сондай-ақ, Өзбекстан Республикасы Президентиниң 2018-жыл 5-апрелдеги ПҚ-3651-санлы қарарына муўапық Нөкис қаласы «Әмиўдәрья» МПЖ аймағында «Мега бэйбс» Мәмлекетлик емес мектепке шекемги билимлендириў шөлкемине  қараслы 150 орынлы «Нуратдин-Диана» атлы балалар бақшасы ашылды.

Мәмлекетлик емес мектепке шекемги билимлендириў шөлкеминиң улыўмалық сметалық баҳасы 5 млрд 300 млн сўмнан ибарат болып, соннан, 3 млрд 937 млн сўм қаржысы “Узсанаатқурылысбанк” тәрепинен жениллетилген кредит есабынан ажыратылды.

Ҳәзирги күнде, “Әмиўдәрья” МПЖ аймағында 3-7 жас балалар саны 546 бала бар болып соннан 325 бала мектепке шекемги билимлендириў шөлкемлерине қамтылған. “Нуратдин-Диана” мәмлекетлик жеке меншик шериклик тийкарындағы мәмлекетлик емес мектепке шекемги билимлендириў шөлкеми иске түсиўи менен жәнеде 150 баланы камраб алыу режелестирилмекте.

Бул шөлкемниң толық иске түсиўи нәтийжесинде 20 пуқара турақлы жумыс пенен тәмийинленеди.