Сайт тест режиминде!

Қарақалпақстан Республикасы Тахыятас районы Мектепке шекемги билимлендириў бөлиминде 2018-жыл 28-апрель күни «Жылдың ең жас белсенди тәрбияшысы» көрик таңлаўы болып өтти.

Өзбекистан Кәсиплик аўқамлары Федерациясының Қарақалпақстан Кәсиплик аўкамлары шөлкемлери  Кеңеси Президиумы 2018-жыл 10-апрельдеги «Жылдың ең жас белсенди тәрбияшысы» таңлаўын өткериў ҳаққындағы 12-17«с» қарарының орынланыўын тәмийнлеў мақсетинде өткерилген таңлаўды Кәсиплик аўқам шөлкеминиң баслығы С.Бекимбетова ашып берди.

Тақыятас районы ҳәкимиятынан Жумамуратова Мукарама, Кадиров Мийрбек ҳәм Тақыятас районы Мектепке шекемги билимлендириў бөлими баслығы Б.Курбановлар қатнасты.

Тақыятас районы Мектепке шекемги билимлендириў  мекемелери  арасында «Жылдың ең белсенди жас тәрбияшысы» көрик таңлаўы 15 мектепке шекемги билимлендириў мекемелери арасынан  сараланып, таңлаў нәтийжеси бойынша 1-орын 12-санлы мектепке шекемги билимлендириў мекемесинен тәрбияшы Бекимбетова Зубайда.

2-орын 7-санлы мектепке шекемги билимлендириў мекемесинен тәрбияшысы Ярилканова Дилноза. 3-орын 4-санлы мектепке шекемги билимлендириў мекемесинен Аллаярова Муқаддас  жеңимпаз атанып, Кәсиплик аўқам тәрепинен диплом ҳәм баҳалы саўғалар менен сыйлықланды. Қатнасқан ҳәр бир тәрбияшы Мектепке шекемги билимлендириў бөлими тәрепинен  бир ис ҳақы муғдарында хошаметлеў менен сыйлықланатуғынлығын Мектепке шекемги билимлендириў бөлими баслығы Б.Курбанов айтып өтти.