Сайт тест режиминде!

«3-ДЕКАБРЬ ХАЛЫҚАРАЛЫҚ МАЙЫПЛАР КҮНИ»

Шымбай районы басшылары 24-санлы Мәмлекетлик көп тармақлы қәнигелестирилген мектепке шекемги билимлендириӯ шөлкеминде болды.

 

Елимизде нәгиранлығы болған шахслардың ҳуқық ҳәм еркинликлерин қорғаў, оларды социаллық жақтан қоллап-қуўатлаў, имкәниятлар теңлигин тәмийинлеўге қаратылған ис-илажлар әмелге асырылып келинбекте.Бүгинги күнде районымызда улыӯма  имканияты шекленген пуқаралардың саны 3631 ди қурайды.Бүгин бир қатар имканияты шекленген пуқаралардың жағдайынан хабар алынды.Дәслеп  районымыздағы Мүриӯбет  ерлер интернат үйиндеги тарбияланыӯшыларға кийим-кеншек,азық-аӯқат өнимлери район ҳәкимлиги тәрепинен тапсырылды. Оннан соң 24-санлы Мәмлекетлик көп тармақлы қәнигелестирилген мектепке шекемги билимлендириӯ шөлкеминде байрам илажына район ҳәкиминиң орынбасары У.Қалилаев, район ҳәкиминиң орынбасары Мәҳәлле ҳәм шаңарақты қоллап-қуӯатлаӯ бөлими баслығы З.Ержановалар ол жердеги баларды байрам менен қутлықлады ҳәм балаларға беккем денсаӯлық тилеп баҳалы саӯғаларын тапсырды.Сондай-ақ район орайында жайласқан «Азиза» ресторанында жаслығынан майыплығы болған жаслар ҳәмде нураныйлер ушын байрам дәстүрханы жайылды.Кешеге район ҳәкимлиги, Халық билимлендириў бөлими, Жаслар аўқамы районлық Кеңеси ҳәмде Республика Руўхыйлық ҳәм ағартыў орайы районлық бөлиминиң тийисли ўәкиллери қатнасып, «3-декабрь Халықаралық майыплар күни» мүнәсибети менен жыйналғанларды байрам менен қутлықлап оларға естелик саўғаларын тапсырды. Илаж районлық Мәденият бөлими хызметкерлери атқарыўындағы концерт бағдарламы менен даўам етти.

 

Дерек: shimbay.uz