Сайт тест режиминде!

ХОШ ХАБАР

ХОШ ХАБАР

 

Қанлыкөл районы 6-санлы мекетепке шекемги билимлендириў шөлкеминиң тәрбияланыўшысы Алия Жаксылыкова Хорезм ўәлаятында болып өткен «Шотокан каратэ до» жарысында сыйлы 1-орынды алды.

 

 

Бүгин елимизде баслы дыққат итибар жас әўладты саламат ҳәм бәркамал инсанлар етип камал таптырыўға қаратылған. Бул барысында әмелге асырылып атырған жумыслар өз нәтийжесин берместен қалмайды. Жаңадан салып берилген спорт имаратлары дене тәрбиясы ҳәм спортқа кызыққан жас өспиримлерди бир жерге, бир нийет жолында бирлестиреди. Мәксет бир – олда болса мәмлекетимиз байрағын дүнья ареналарына алып шығыў.

 

2020-жыл 16-декабрь күни Хорезм ўәлаятында 6-14-жаслар арасында «Шотакан каратэ до» жарысы болып өтти. Жарысқа Қарақалпақстан Республикасы Қанлыкөл районы 6-санлы мектепке шекемги билимлендириў шөлкеми тәрбияланыўшы Алия Жаксылыкова қатнасып сыйлы 1-орынды ийелеп, Алтын медаль ҳәм Диплом менен сыйлықланды.

 

Ҳәр қандай жетискенликтиң арқасында устаздың мийнети греўли саналады. Бул мектепке шекемги билимлендириў шөлкеминиң дене тәрбия инструкторы Азамат Рзамбетов шәкирти Алия Жаксылыкованың жетискенлигин көрип мақтаныш пенен «Шәкиртим еле көп спорт жарыслардын жеңимпазы болады. Дүнья ареналарына шығып, елимиз атын, байрағын көклерге көткериўине исенемен»-дейди.

 

Бизлерда өз нәўбетинде жеңимпаз Алия қызымызды табысы менен қутлықлап, келешекте пәрўазын бәлент болысын деймиз.

 

Қарақалпақстан Республикасы Мектепке шекемги  билимлендириў министрлиги, Мәлимлеме хызмети.