Сайт тест режиминде!

УШЫРАСЫЎ МАЗМУНЛЫ БОЛЫП ӨТТИ

Жақында  Қарақалпакстан Республикасы Мектепке шекемги билимлендириў министрлигине Украинадағы Өзбекстаныӊ толық ҳуқықлы Елшиси  Қурманов Алишер Анварович хызмет сапары менен келди. Хызмет сапарында елши А.Қурманов Қарақалпақстан Республикасы Мектепке шекемги билимлендириў министри Ж.Уснатдинова менен ушырасты.

Ушырасыўда тийкарынан Қарақалпақстан Республикасындағы мектепке шекемги билимлендириў шөлкемлериндеги жетискенликлер, олардыӊ алып барып атырған жумыслары, сондай-ақ, тараўдағы ушырасатуғын машқалаларға да тоқталды. Алыс аймақларда жайласқан мектепке шекемги билимлендириў шөлкемлерин таза ишимлик суўлары менен тәмийинлеў мақсетинде, суў тазалайтуғын үскенелер керек екенлиги, айрым мәмлекетлик жеке шерикшилик тийкарындағы мәмлекетлик емес мектепке шекемги билимлендириў шөлкемлерине қосымша кредит ажыратыў мәселелери көрилди. Сондай-ақ, ушырасыўда, пайтахтымыздағы Президент мектеби жанындағы ажыратылған жер орынға мәмлекетлик жеке шерикшилик тийкарында мектепке шекемги билимлендириў шөлкемин жаӊадан қурыў керек екенлигин де айтып өтти.

Министрлик тәрепинен берилген усыныслардан кейин, келген мийманлар өзлериниӊ пикирлери менен ортақласты. Олар республикадағы арнаўлы мектепке шекемги билимлендириў шөлкемлериниӊ алып барып атырған жумыслары, тәрбияланып атырған ҳәм наўқаслығы бар балалардыӊ жағдайларына айрықша тоқтап өтти.

Келген елши тәрепинен Қарақалпақстан Республикасы Мекетепке шекемги билимлендириў шөлкемлерине қандай жәрдем кереклиги де  соралды.

Күниӊ екинши ярымында пайтахтымыздағы «Имкон» Арал бойы балалары ушын реабилтация орайына ийе мәмлекетлик көп тармақлы қәнигелестирилген мектепке шекемги билимлендириў шөлкеминде Қарақалпақстан Республикасы Мектепке шекемги билимлендириў министри Ж.Уснатдинова Қубла Корея елшиси (посол) Виталий Васильевич Фен менен ушырасты ҳәм шөлкемде тәрбияланыўшыларға жаратылған имканиятлар менен танысты.

Қарақалпақстан Республикасы Мектепке шекемги билимлендириў министрлиги, Мәлимлеме хызмети.



Spelling error report

The following text will be sent to our editors: