Сайт тест режиминде!

МЕКТЕПКЕ ШЕКЕМГИ БИЛИМЛЕНДИРИЎ ШӨЛКЕМ ХЫЗМЕТКЕРЛЕРИ УШЫН СЕМИНАР ШӨЛКЕМЛЕСТИРИЛДИ

Қарақалпақстан Республикасы Мектепке шекемги билимлендириў министри орынбасары Т.Байжанов басшылығында Беруний районы мәлимлеме ресурс орайында «Дәслепки қәдем» оқыў дәстүри тийкарында, мәмлекет талаплары ҳәм саламат аўқатландырыўды туўры жолға қойыў бойынша семинар болып өтти.

Семинарда мәмлекетлик мектепке шекемги билимлендириў шөлкеми, мәмлекет жеке шерикшилик тийкарында шөлкемлестирилген мәмлекетлик емес мектепке шекемги билимлендириў шөлкемлери ҳәм шаӊарақлық мәмлекетлик емес мектепке шекемги билимлендириў шөлкемлери баслықлары қатнасты.

Семинарды район мектепке шекемги билимлендириў бөлим баслығы Д.Абдуллаев ашып берди.

Қарақалпақстан Республикасы Мектепке шекемги билимлендириў министри орынбасары Т.Байжанов шығып өз сөзинде «Дәслепки қәдем» оқыў дастүри мәмлекет талапларыныӊ орынланыўы, Өзбекстан Республикасы Мектепке шекемги билимлендириў министрлиги тәрепинен 155-санлы буйрығыныӊ орынланыўын тәмийинлеў, саламат ҳәм сапалы аўқатландырыўды туўры жолға қойыў ҳәм район шөлкемлеринде алып барылып атырған жумыслары бойынша айтып өтти.

Сондай-ақ, 2020-2021 оқыў жылында мектепке шекемги билимлендириў тараўларында алып барылып атырган жумыслар ҳәм алдыға қойылған ўазыйпалар ҳаққында кеӊнен  тоқталып өтти.

Семинар барысында шөлкем баслықларныӊ да пикир ҳәм усыныслары тыӊланды.

 

 

ҚР Мектепке шекемги билимлендириў министрлиги, Мәлимлеме хызмети