Сайт тест режиминде!

ЕЛЛИКҚАЛА РАЙОНЫН ДА МЕКТЕПКЕ ШЕКЕМГИ БИЛИМЛЕНДИРИЎ БӨЛИМИНДЕ ШӨЛКЕМ БАСЛЫҚЛАРЫ МЕНЕН ЖЫЙНАЛЫС БОЛЫП ӨТТИ

Жыналысқа Қарақалпақстан Республикасы Мектепке шекемги билимлендириў министр орынбасары Т.Байжанов, мәмлекет, мәмлекет жеке шерикшилик тийкарында ҳәм шаӊарақлық мектепке шекемги билимлендириў шөлкемлери баслықлары ҳәм район мектепке шекемги билимлендириў бөлим хызметкерлери қатнасты.

Жыйналыста Қарақалпақстан Республикасы Мектепке шекемги билимлендириў министр орынбасары Т.Байжанов шығып сөйледи. Ол өз сөзинде бүгинги күнде мектепке шекемги билимлендириў шөлкемлеринде  алып барылып атырған жумысларға кеӊнен тоқталып өтти. Азық-аўқат сыпатын жақсылаў, гигена қағыйдаларына бойсыныў ҳәм тәрбияшылардыӊ педагог көнликпесин асырыў, тәлим сыпатын жақсылаў туўрсында айтып өтти.

Соныӊ менен бир қатарда мектепке шекемги билимлендириў шөлкемлеринде жумыс ҳалатыныӊ өткен жылғыдан әдеўир жақсыланғанын да айтты.

Демек бундай нәтийжеге ерисиў әлбетте шөлкем хызметкерлери өз жумысына жуўапкершилик пенен қарап,  биргеликте, аўызбиршиликте алып барылғанлығы нәтийжесинде жумыс көлеминыӊ жақсыланғанлығы көринеди.

Жыйналыс жуўмағында қатнасыўшылар өзлери қызықтырған сораўларға жуўаплар алды.

Қарақалпақстан Республикасы Мектепке шекемги билимлендириў министрлиги, Мәлимлеме хызмети