Сайт тест режиминде!

«ЗУЛЬФИЯ ХАНЫМ ИЗБАСАРЛАРЫ» АТАМАСЫНДА ИЛӘЖ ШӨЛКЕМЛЕСТИРИЛДИ.

Өзбекстан халық шайырасы Зульфия Исройилованыӊ туўылғанына 106-жыл толыўы мүнәсибети менен Мойнақ районы 10-санлы мектепке шекемги билимлендириў шөлкеминде педагог хызметкерлери ҳәм тәрбияланыўшы қызлар арасында «Зульфия ханым избасарлары» атамасында иләж шөлкемлестирилди.

Иләжға Өзбекстан ҳәм Қарақалпақстан Жазыўшылар аўқамыныӊ ағзасы шайыра К.Насирова менен ушырасыў болып өтти.

К.Насирова өз сөзинде Зульфия ханым дөретиўшилиги, мийнет жоллары ҳаққында кеӊнен тоқталып, өзиниӊ қәлемине тийисли шығармаларын тәрбияшы ҳәм тәрбияланыўшыларға оқып берди.

Сондай-ақ, иләж даўамында шөлкем тәрбияланыўшылары күн қаҳарманы саналған шайыра Зульфия Исройилованыӊ қосық қатарларынан үзиндилер келтирип өтти.

Соныӊ менен бир қатарда, шөлкем тәрбияланыўшылар қатнасыўында  қарақалпақ миллий ойынларын шеберлик пенен атқарып берди. Бул өз нәўбетинде иләж қатнасыўшыларға өзгеше заўық бағышлады.