Сайт тест режиминде!

ҲАЯЛЛАР СПАРТАКИАДАСЫ СПОРТ ЖАРЫСЫ БОЛЫП ӨТТИ

Ѳзбекстан Билимлендириӯ ҳәм илим хызметкерлери кәсиплик аӯқамы Шоманай районы бѳлимшеси тәрепинен Халық билимлендириӯ ҳәм Мектепке шекемги билимлендириӯ тараӯ хызметкерлери арасында саламат турмыс тәризин кеңнен үгит-нәсиятлаӯ ҳәм ғалабалық спортты раӯажландырыӯ мақсетинде ҲАЯЛЛАР СПАРТАКИАДАСЫ спорт жарысы болып өтти.

Бунда тийкарғы мақсет ҳаял-қызлардыӊ саламатлығын беккемлеў ҳәм спортқа деген қызығыўшылығын  арттырыўдан ибарат.Жарыс жуӯмағында Шоманай районы Мектепке шекемги билимлендириӯ бөлимине қараслы 11-санлы мектепке шекемги билимлендириӯ шөлкеми топары спорттыӊ «волейбол» түринен Районлық басқышында 1-орынды, 2-санлы мектепке шекемги билимлендириӯ шөлкеми командасы спорттыӊ СТРИТБОЛ түринен 1-орынды, 4-санлы мектепке шекемги билимлендириӯ шөлкеми хызметкери Г.Жумабаева  спорттың ЖЕҢИЛ АТЛЕТИКА түринен 2-орынды, 1-санлы мектепке шекемги билимлендириӯ шөлкеми хызметкери Т.Утемуратова  спорттың ДАРТС түринен 2-орынды, 6-санлы мектепке шекемги билимлендириӯ шөлкеми хызметкери А.Назарова  спорттың СТОЛ ТЕННИСИ түринен 3-орынды, 7-санлы мектепке шекемги билимлендириӯ шөлкеми қысқа топар мийрибийкеси Н.Кеңесбаева  спорттыӊ ШАХМАТ түринен  3-орынды ийелеп, Ѳзбекстан Билимлендириӯ ҳәм илим хызметкерлери кәсиплик аӯкамы Шоманай районы бѳлимшеси тәрепинен бахалы саӯғалар менен сыйлықланды.

Жәнеде спорттың 6 түри бойынша Шоманай районы Мектепке шекемги билимлендириӯ бѳлимине қараслы барлық мектепке шекемги билимлендириӯ шѳлкеми ҳаял-қызлары спорт жарысына белсене қатнасқаны ушын ҳүрмет жарлықлар менен сыйлықланды.

 

ҚР Мектепке шекемги билимлендириў министрлиги, Мәлимлеме хызмети



Spelling error report

The following text will be sent to our editors: