Сайт тест режиминде!

ҚАНЛЫКӨЛ РАЙОНЫНДА СПОРТТЫӉ «Шотакан каратэ-До» ТҮРИ БОЙЫНША БАЛАЛАР ӨСПИРИМЛЕР СПОРТ МЕКТЕБИ АШЫҚ БИРИНШИЛИГИ БОЛЫП ӨТТИ

Спорт жарысының ашылыў мəресимине Қанлыкɵл районы ҳəкими А.Ибрагимов, Қарақалпақстан Республикасы «Каратэ-До» Федерациясы баслығы Х.Қəлимбетов, «Шотакан каратэ-До» бойынша ветеран спортшы Ж.Нəметуллаев, районлық Дене-тəрбия ҳəм спорт бɵлими баслығы С.Әбдираманов, тийисли бɵлимлер ҳəм спортшы жаслар қатнасты.

Соңғы жыллар даўамында, Қанлыкөл районы спортта айрықша нəтийжелерди кɵрсетип келмекте. Бул əлбетте, мəмлекетимизде жаслар арасында спортты раўажландырыў ҳəмде ғалабалық спортты кеңнен ен жайдырыў бағдарында əмелге асырылып атырған ис-иләжлардың айқын дəлийли десек болады. Спортшылар Ҳүкиметимиз тəрепинен берилип атырған имканиятлар, шараятлардан ақылға уғрас түрде пайдаланып атырғанлығының нәтийжесинде, бүгинлигинде олардың спорттағы табыслары ҳəм жетискенликлери мол болмақта.

Жарыс жуўмағында 6 жас ер балалар арасында 6 санлы мектепке шекемги билимлендириў шөлкеми тәрбияланыўшысы А.Муратбаев 1-орынды қолға киргизди. 6 жас кыз балалар арасында 3-орынды А.Жаксылыкова ийеледи.

Жарыс жуўмағында жеӊимпазлар шөлкемлестириўшилер тәрепинен «Диплом» ҳәм «Медал» менен сыйлықланды.

 

ҚР Мектепке шекемги билимлендириў министрлиги, Мәлимлеме хызмети