Сайт тест режиминде!

Екинши жер жүзилик урыс қатнасыўшысы Айтбай ата Тәжибаев пенен ушырасыў.

Өзбекистан Республикасы Президентиниң 2018-жыл 16-апрелдеги «Еслеў ҳәм Қәдирлеў күнине таярлық көриў ҳәм оны өткериў ис-илажлар ҳаққында»ғы  ПҚ-3667-санлы қарары тапсырмаларын орынлаў мақсетинде  екинши дүнья жүзлик урыс қатнасыўшысы Айтбай ата Тәжибаевтын жағдайларынан район белсендилери кең жәмийетшилик тәрепинен тез-тез хабар алынып турылмақта, Айтбай атамыз райондағы «Қарабайлы» МПЖ аймагында Ақ терек аўылында жасайда. Хәзир 94 жасты қарсы алды.

Усы жыл 27-апрель күни 4-санлы мектепке шекемги билимлендириў мәкемесинде екинши дүнья жүзлик урыс қатнасыўшысы, хүрмели атамыз Айтбай ата Тәжибаев пенен ушырасыў болип өтти. Ушырасыўға райондағы барлық мектепке шекемги билимлендириў мәкемелериниң тәрбияланыўшылар ҳәм тәрбияшилар қатнасты. Ушырасыўда Шоманай районы мектепке шекемги билимлендириў бөлими баслығы Тамара Қаллықылычова Айтбай атамыздың өмир жолы, екинши дүнья жүзлик урыста көрсеткен ерликлери хаққында жыйналғанларға кең түрде түсиник берди ҳәм атамызды алдымызда киятырған 9-май – «Еслеў ҳәм Қәдирлеў» күни байрамы менен шын жүректен қутлықлады.

Усырасыў мәресиминде жас тарбияланыўшылар өзлериниң тәрбияшылар тәрепинен берип атырған билим, әдеп-икрам, мәденият, руўхыйлық қәдияриятлары бойынша тәрбияши тийкарында хүрметли атаға қосықлар, тақмаклар, ойынлар ойнап берди, атаның хүрметине миясар болды. Атаға гүллер саўға етти.

Ушырасыўда Айтбай ата Тәжибаев тәрбияшылар ҳәм тәрбияланыўшылар алдында шығып сөйлеп, өзине көрсетилип атырған хүрметке миннетдар екенлигин билдирди, урыстың аўыр ақыбетлери хаққында кең түрде сойлеп берди. Иләйим, енди урыс болмағай, үл-қызларымыз бундай апатшылықты көрмегей, – деп өзиниң бахалы нәсиятларын берди.

Балаларымыздың йошлы ойын заўық, концертинен кейин хәмме биргеликте Хәсиретли ана естелигине зиярат етилип, гүл шеңберлери қойылды, ҳүрмет көрсетилди.