Сайт тест режиминде!

«КИТАП-МЕНИӉ ДОСТЫМ» АТАМАСЫНДА ИЛӘЖ ШӨЛКЕМЛЕСТИРИЛДИ

Китап байлық, топланғаны емес, оқылғаны дейди дана халқымыз. Китап оқыған инсанныӊ руўхый жақтан өсип раўажланыўы, мәнәўий жақтан саўатқанлығы дәрежеси артады. Китап пенен дос болған адам өмирден өз жолын таўыўда алжаспайды. Сонлықтан инсан өмиринде китаптыӊ тутқан орны айрықша.

Республикамыз бойлап китапханлық айлығы шөлкемлестирлген болып, бунда мектепке шекемги билимлендириў шөлкемлери белсене қатнаспақта.

Усындай иләжлар Хожели районы 19-санлы мектепке шекемги билимлендириў шөлкеми ҳәм районлық Мәлимлеме-китапхана орайы менен биргеликте «Китап-мениӊ достым» атамасында китап ярмарка өткерилди.

Иләж даўамында Мәлимлеме-китапхана орайы хызметкерлери тәрепинен бақша тәрбияланыўшыларына ертек китаплардан көргизбелер шөлкемлестирилди.

Бунда гөзленген мақсет бир, перзентлеримиздиӊ бақша босағасынан баслап китапқа деген меҳр-мухаббатын арттырыўдан ибарат.

 

ҚР Мектепке шекемги билимлендириў министрлиги, Мәлимлеме хызмети