Сайт тест режиминде!

ТАҚЫЯТАС РАЙОНЫ ПЕДАГОГИКА КОЛЛЕДЖИНДЕ КӨШПЕЛИ ҚАБЫЛЛАЎ БОЛЫП ӨТТИ

Көшпели қабыллаўда Ѳзбекстан Республикасы Мектепке шекемги билимлендириў министриниң биринши орынбасары Қ.Т.Олимов, Физикалық ҳәм юридикалық шаҳслардың мүрәжатлерин қабыллаў бойынша бас қәнигеси Ш.Ш.Тойшибоев ҳәм Қарақалпақстан Республикасы Мектепке шекемги билимлендириў министриниң биринши орынбасары Т.Ж.Байжанов, министрлик ҳәм районлық мектепке шекемги билимлендириў шөлкеми бөлим баслықлары қатнасты. Олар Тақыятас районы менен бирге Хожели ҳәм Нөкис район пуқараларының мүрәжатлерин қабыллады.

Көшпели қабыллаўда дәслеп ѲзР Мектепке шекемги билимлендириў министриниң биринши орынбасары Қ.Т.Олимов сөзге шығып, халықты қыйнап атырған машқалаларды тыңлайтуғынын билдирди. Оннан соң, ҚР Мектепке шекемги билимлендириў министриниӊ биринши орынбасары Т.Ж.Байжанов сөзге шығып, жыйналған пуқаралардыӊ мүрәжатлерын тыӊлады.

 

Пуқаралардан келип түскен мүрәжатлерге итибар қаратсақ, басым көпшилиги жумысқа орналастырыў ҳәм перзентлерин балалар бақшасына жайғастырыўдан ибарат болды. Мысалы ушын: Тақыятас районы «Нурлы келешек» МПЖ турғыны С.Таўбаева, жалғыз баслы ана, көп жыллардан берли жумыссыз отырғанын айтып, жумыс орны болса бәнтлигин тәмийинлеп бериў бойынша мүрәжат етти. Мүрәжат сол ўақыттыӊ өзинде унамлы шешилип, пуқара район орайында жайласқан шаӊарақлық мәмлекетлик емес мектепке шекемги билимлендириў шөлкемине жумысқа орналасты.

Қабыллаў даўамында шешилген мүрәжатлер менен бирге пуқараларға ҳуқықый мәслаҳатлер берилип, олардыӊ орынланыўы қадағалаўға алынды.

ҚР Мектепке шекемги билимлендириў министрлиги Мәлимлеме хызмети