Сайт тест режиминде!

Беруний районы мектепке шекемги билимлендириў шөлкеми директорлары менен ушырасыў болып өтти

Беруний районы мектепке шекемги билимлендириў бөлимине қараслы мектепке шекемги билимлендириў шөлкем директорлары қатнасыўында ушырасыў болып өтти.

Ушырасыўда Қарақалпақстан Республикасы Мектепке шекемги билимлендириў министрдиӊ биринши орынбасары Т.Байжанов, саламат аўқатландырыў бөлиминиӊ баслығы Ш.Мамутов, қәнигелер А.Реймов, Р.Ешмуратов ҳәм районлық мектепке шекемги билимлендириў бөлими баслығы Д.Абдуллаевлар қатнасыўында «Өзбекстан Республикасы Министрлер Кабинетиниӊ Мәмлекетлик мектепке шекемги билимлендириў шөлкемлеринде  саламат аўқатландырыў системасын жетилистириў ҳаққында»ғы 2019-жылы 25-июнь күни 626-санлы қарары тийкарында саламат аўқатландырыўды шөлкемлестириўде қойлатуғын тийкарғы мақсет ҳәм ўазыйпалар, саламат аўқатландырыўды шөлкемлестириўде қойылатуғын тийкарғы талаплары, оған қатнасатуғын хызметкерлердиӊ ўазыйпалары ҳаққында түсиндириў жумыслары алып барылды.

Ушырасыў жуўмағында шөлкем директорлары саламат аўқатландырыў бойынша өзлери қызықтырған сораўларға жуўаплар алды.

ҚР Мектепке шекемги билимлендириў министрлиги Мәлимлеме хызмети