Сайт тест режиминде!

Бүгин Қанлыкөл районында “Жылдың ең жақсы тәрбияшысы-2021” таңлаўы болып өтти.

Қанлыкөл районы мектепке шекемги билимлендириў бөлимине қараслы барлық шөлкем тәрбияшылары арасында, “Жылдың ең жақсы тәрбияшысы-2021” таңлаўы өткерилди.

Таңлаў қызықлы шәртлер негизинде, қызғын беллесиўлерге бай тәризде болып өтти. Кәсиплик таңлаўды өткериўдеги тийкарғы мақсет, келешегимиз ийелери болған жас әўладтың кәмил инсанлар болып жетилисиўинде салмақлы үлес қосып киятырған тәрбияшы педагогларды қоллап-қуўатлаўдан ибарат.

Таңлаў жуўмақларына көре, 3- ҳәм 13-санлы мектепке шекемги билимлендириў шөлкеми тәрбияшылары белсендилик көрсетип, Қарақалпақстан Республикасы басқышына жолламаны қолға киргизди. Жеңимпазлар шөлкемлестириўшилер тәрепинен мүнәсип сыйлықланды.