Сайт тест режиминде!

ҚАРАҚАЛПАҚСТАН РЕСПУБЛИКАСЫНДА БИР КҮНДЕ 182 ШАӉАРАҚЛЫҚ МӘМЛЕКЕТЛИК ЕМЕС МЕКТЕПКЕ ШЕКЕМГИ БИЛИМЛЕНДИРИЎ ШѲЛКЕМИ ПАЙДАЛАНЫЎҒА ТАПСЫРЫЛДЫ

2021-жылдыӊ биринши ярым жыллығында  Мектепке шекемги билимлендириў министрлиги менен 203 исбилерменлик субекти ортасында шаӊарақлық мәмлекетлик емес мектепке шекемги билимлендириў шѳлкемлерин шѳлкемлестириў ушын еки тәреплеме шәртнама дүзилди. Буниыӊ нәтийжесинде 3-7 жасдағы 5075 бала мектепке шекемги билимлендириў қамрап алыўға ерисиледи. 406 жаслар жумыс пенен тәмийинленеди.

Усы жылдыӊ 1-июль күни  182 мектепке шекемги билимлендириў шѳлкеми ѳз жумысын баслады. 21 мектепке шекемги билимлендириў шѳлкеми ашылыў алдында тур.

Бул шаӊарақлық бақшалардыӊ кѳпшилиги бѳлими Республикамыздыӊ алыс аймақларында, балалар бақшасы жоқ мәҳәлелерде шѳлкемлестирилди.

Президентимиздиӊ 2021-жыл 10-июнь күнги «Қамраў дәрежеси тѳмен болған районларда мектепке шекемги билимлендириў шѳлкемлери тармағын кеӊейтириў бойынша қосымша ис-илажлар ҳаққында»ғы ПҚ-5144-санлы  қарарында шаӊарақлык мәмлекетлик емес мектепке шекемги билимлендириў шѳлкемлериниӊ сыйымлығына қарап 50 балаға шекем тәрбиялаўға ҳәм тәрбияланыўшылар санынан келип шығып 4 тәрбияшы ҳәм жәрдемшилер жумысқа қабыл етиўге рухсат берилди.

Усы қарар менен жумыс алып барылып атырған ҳәм жаӊа шѳлкемлестирилип атырған шаӊарақлық мектепке шекемги билимлендириў шѳлкемлери сыйымлығын 50 балаға шекем қамрап алыў ҳәм 11 (улыўма сыйымлығы 1145) мәмлекетлик-жеке шерикшилик тийкардағы мәмлекетлик емес мектепке шекемги билимлендириў шѳлкемлерин шѳлкемлестириў арқалы Қарақалпақстан Республикасында 2021-жылда 3-7 жас аралығындағы балаларды мектепке шекемги билимлендириў шѳлкемлерине қамрап алыў кѳрсетикишин 75,5 пайызға жеткериў режелестирилген.

 

ҚР Мектепке шекемги билимлендириў министрлиги Мәлимлеме хызмети