Сайт тест режиминде!

«Жылдың ең жақсы тәрбияшысы-2021» таӊлаўыныӊ Хожели районлық басқышы болып ѳтти

Хожели районы мектепке шекемги билимлендириў шөлкемлери педагоглары арасында «Жылдың ең жақсы тәрбияшысы-2021» кәсиплик көрик таңлаўы шөлкемлестирилип, бул көрик таңлаў нызамы тийкарында 5 номинация бойынша  21 тәрбияшы қатнасты.

Тәрбияшылар көрик танлаў нызамы бойынша өзлериниң Интернет-портфолиосы, таңлаў қатнасыўшысының мектепке шекемги билимлендириў  шөлкеминдеги педагогикалық искерлиги, социаллық турмыстағы, жеке жетискенликлерин саўлелендуратуғын видеоролик ҳәм оқыў-методикалық, илимий, руўхый-ағартыўшылық жумысларын көрсетиўши материаллары, дипломлары, халықаралық проектлер ҳәм конференцияларға қатнасқанлығы ҳаққында хүжжетлер усынды.

Көрик таңлаўдың таңлаў қурамы тәрепинен ҳар бир қатнасыўшының усынған материалларының мазмунын баян етилиўи, материаллардың аҳмийетлиги, ресурслар сыпаты ҳәм қолайлығы, жаңалаклары,оқыў-методикалық материаллары ҳәм исленебери баҳаланып барылды.

Көрик таңлаў жуўмағы бойынша жеңимпазларға ҳәм белсене қатнасқан педагогларға Хожели районы мектепке шекемги билимлендириў бөлими ҳәм Хожели билимлендириў ҳәм илим, пән хызметкерлери кәсиплик аўқамы Хожели районы кеӊеси тәрепинен диплом, ҳүрмет жарлықлары ҳәм бахалы сыйлықлар тапсырылды.