Сайт тест режиминде!

Нѳкис қаласы 48-санлы мектепке шекемги билимлендириў шѳлкеминде Коррупцияға қарсы гүресиў ҳәм алдын алыў бойынша семинар болып ѳтти.

Семинарға Қарақалпақстан Республикасы Мектепке шекемги билимлендириў министриниӊ биринши орынбасары Т.Байжанов, НМПИ Жәмийетлик пәнлер кафедрасыныӊ баслығы, Халық депутатлары Нѳкис қалалық Кеӊеси депутаты, доцент Я.Абдуллаева, Нөкис қалалық мектепке шекемги билимлендириӯ бөлими баслығы Ж.Таңатаров, қалалық мектепке шекемги билимлендириў шѳлкемлери баслықлары қатнасты.

Семинарды Нөкис қалалық мектепке шекемги билимлендириӯ бөлими баслығы Ж.Таңатаров сөз бенен ашты. Ол ѳз сѳзинде бөлимге қараслы мектепке шекемги билимлендириӯ шөлкемлеринде коррупцияның алдын алыӯ оны жүзеге келтириӯши себеплерин анықлаӯ ӽǝм оған қарсы гүресиӯ бойынша бөлимде ис-илажлар алып барылып атырғанлығы ӽаққында айтып ѳтти.

Қарақалпақстан Республикасы Мектепке шекемги билимлендириӯ министриниң биринши орынбасары Т.Байжанов сөзге шығып ол өз сөзинде ҳәр ҳәптенин жума күни  өткерилип атырған «Мәниўият ҳәм ҳуқықый саўатқанлық саат»ы ның гезектеги мәжилиси екенлигин билдире отырып ӽүрметли Президентимиздиң Мектепке шекемги билимлендириӯ тараӯына итибар берилип 2018-жыл 30-сентябрьдеги “Мектепке шекемги билимлендириӯ тараӯын басқарыӯды жеделлестириӯ ис-илажлары ӽаққында”ғы ПҚ-3955-санлы қарары тийкарында, Өзбекстан Республикасы Министрлер Кабинетиниң 2019-жыл 13-май күнги “Мектепке шекемги билимлендириӯ мәкемелерин жǝнде жеделлестириӯ ис-илажлары ӽаққында”ғы 391-санлы Қарары ӽǝм Өзбекстан Республикасы Министрлер Кабинетиниң 2019-жыл 25-июль күнги “Мǝмлекетлик мектепке шекемги билимлендириӯ мекемелеринде саламат аӯқатландырыӯ системасын жеделлестириӯ ӽаққында”ғы 626-санлы Қарарлары шығарылғанлығы, сондай-ақ, Өзбекстан Республикасының 2017-жыл 3-январьдағы “Коррупцияға қарсы гүресиӯ ӽаққында”ғы ӮРҚ-419-санлы нызамы ӽǝм нызам асты ӽүжжетлериниң қабыл етилгенлиги ӽǝмде Президентимиз тǝрепинен                2019-2020-жылларда “Коррупция”ға қарсы мǝмлекетлик дǝстүр тастыйықланғанлығы, мәкемелер аралық комиссиясы дүзилгенин сол тийкарда Өзбекстан Республикасы коррупцияға қарсы гүресиӯ агентлиги шөлкемлестирилгенлигин ӽǝмде мǝмлекет  тǝрепинен 70 артық капитал оңлаӯ ӽǝм билимлендириӯ тараӯлары бойынша нызам ӽүжжетлери қабыл етилгенлиги, бунда белгилеп берилген талаплар ӽǝм оның мǝнис мазмуны менен мектепке шекемги билимлендириӯ шөлкемлери директорларына таныстырыӯ менен бирге, мǝмлекетлик билимлендириӯ талапларын орынлаӯ бǝрше билимлендириӯ шөлкемлери ушын мǝжбүрий екенлиги белгиленип қойылғанлығы менен бирге хызметкерлер ортасында коррупцияны келтирип шығарыӯшы себеплер ӽаққында түсиндирип өтти.

Усы нызам ӽǝм қарарлардың орынланыӯ жағдайы бойынша бүгинги күнде Нөкис қаласындағы мектепке шекемги билимлендириӯ шөлкемлеринде ушырасып атырған коррупцион ӽǝрекетлерге мысаллар келтирип өтти. Мектепке шекемги билимлендириӯ тараӯында коррупцион ӽǝрекетлердиң алдын алыӯ ӽǝм оны болдырмаӯ бойынша түрли ис-илажлар алып барылатуғынлығын айтты.

Сондай-ақ, бүгинги семинарда сөзге шығып ол өз сөзинде  мǝмлекетимизде жаман иллет болған “Коррупция”ға қарсы Өзбекстан Республикасы Президентиниң 2019-жыл 27-майдағы “Өзбекстан Республикасында коррупцияға қарсы гүресиӯ тараӯын жǝнеде беккемлеӯ ис-илажлары ӽаққында”ғы ПФ-5729-санлы Пǝрманы ӽǝмде Өзбекстан Республикасы Президентиниң 2020-жыл 29-июньдағы “Өзбекстан Республикасында коррупцияға қарсы гүресиӯ тараӯын жетилистириӯ бойынша қосымша ис-илажлар ӽаққында”ғы ПФ-6013-санлы Пǝрманы, сондай-ақ  Өзбекстан Республикасының 2017-жыл 3-январьдағы “Коррупцияға қарсы гүресиӯ ӽаққында”ғы ӮРҚ-419-санлы нызамы қабыл етилгенлиги ӽǝм оның мǝнис мазмунын үгит нǝсиятлаӯ менен бирге ǝсиресе нызамда белгилеп берилген орынлаӯ ушын тийкарғы 16 пунт қойылғанлығы менен бирге усы ӽǝр бир пунктлердеги орынлаӯ дǝрежелери бойынша мағлыӯматлар берди.

НМПИ Жәмийетлик пәнлер кафедрасыныӊ баслығы, Халық депутатлары Нѳкис қалалық Кеӊеси депутаты, доцент Я.Абдуллаева да коррупцияға жол қойыӯшы шахслар- бул көбинесе лаӯазымлы шахслар тǝрепинен исленетуғынлығын айтыӯ менен бирге мектепке шекемги билимлендириӯ тараӯында коррупция қалай басланыӯы яғный жумысқа хызметкерди қабыл етиӯде, хызметкердиң саатларын көбейтиӯде ямаса лаӯазымын көтериӯде, сондай-ақ шөлкемге балаларды нызамсыз, жолламасыз қабыллаӯда жǝрдем көрсеткенлиги ушын дǝмегөйлик, пара алыӯ ӽǝмде азық аӯқатлық затлардан мǝселен гөш өниминен балаларға толық берилмей жеке мǝпи ушын ислетиӯ булда коррупцион ӽǝрекетлерди жүзеге шығарыӯшы иллет болып есапланатуғынлығы екенлигин ӽаққында түсиндирип өтиӯ менен бирге өзиниң пикир усынысларын берди ӽǝмде ӽǝр шерек жуӯмағы менен коррупцияға қарсы гүресиӯ жоллары бойынша семинар тренинглерди шөлкемлестириӯ бойынша да усынысын билидирип ѳтти.

 

ҚР Мектепке шекемги билимлендириў министрлиги Мәлимлеме хызмети