Сайт тест режиминде!

ҲӘР ҚАНДАЙ ЖӘМИЙЕТТИӉ РАЎАЖЛАНЫЎЫНА КЕСЕНТ ЕТЕТУҒЫН БУЛ-КОРРУПЦИЯ!

Сонлықтан да, барлық еллерде ҳәр қандай дәўирде де коррупцияға қарсы гүресиў биринши ўазыйпа болып келген. Бүгинги күнде тараўларда бундай унамсыз жағдайларға қарсы гүресиў бойынша нәтийжели жумыслар алып барылып атыр.

Нѳкис қаласы «CHILDRENS KINGDOM» (Арал)  мәмлекетлик-жеке шерикшилик тийкарындағы мектепке шекемги билимлендириў шѳлкеминде «Коррупцияға қарсы гүресиў» бойынша семинар болып ѳтти.

Семинарға Нөкис қалалық кеӊеси депутаты, НМПИ Жәмийетлик пәнлер кафедрасыныӊ баслығы, доцент Я.Абдуллаева, Нѳкис қалалық кеӊеси депутаты, Коррупцияға қарсы гүрес комитети ағзасы, Орайлық банк бѳлими баслығы М.Касымов, Қарақалпақстан Республикасы Мектепке шекемги билимлендириў министрлиги Баспасѳз хаткери П.Уразалиева, Нѳкис қалалық мектепке шекемги билимлендириў бѳлиминиӊ Мәмлекетлик-жеке шерикшилик тийкарындағы мектепке шекемги билимлендириў шѳлкемлерин шѳлкемлестириў қәнигеси Х.Атамуратов ҳәм Нѳкис қаласындағы барлық мәмлекетлик жеке шерикшилик тийкарындағы шаӊарақлық мектепке шекемги билимлендириў шѳлкем директорлары қатнасты.

Семинарда  Нөкис қалалық кеӊеси депутаты, НМПИ Жәмийетлик пәнлер кафедрасыныӊ баслығы, доцент Я.Абдуллаева шығып сѳйлеп ол Республикамызда 2020-жылы коррупция ҳалатлары 90 жағдай, ал 2021-жылы 6-ай даўамында 97 коррупциялық жынаятлар анықланған. Бул деген унамсыз иллеттиӊ ѳсиўинде барлық мәкемелер, шѳлкемлер, карханалар айыплы екенлигин билдиреди. Сондай-ақ, бундай коррупция ҳалатларын болдырмаў ҳәм оныӊ алдын алыў бойынша ҳүкиметимиз тәрпинен кѳплеген кѳлемли жумыслар алып барылып атырғанын айтып ѳтти.

Соныӊ менен бир қатарда Нѳкис қалалық кеӊеси депутаты, Коррупцияға қарсы гүрес комитети ағзасы, Орайлық банк бѳлими баслығы М.Касымов сѳзге шығып бүгинги күнде мәмлекетилик-жеке шерикшилик тийкарындағы шаӊарақлық мектепке шекемги билимлендириў шѳлкемлерин раўажландырыў ушын имтиязлы кредит алыў бойынша ѳз-пикир, усынысларын билдирип ѳтти.

Мәжилисте қатнасыўшылар ѳзлери қызықтырған сораўларына тийисли қәнигелер тәрепинен жуўаплар алды.

ҚР Мектепке шекемги билимлендириў министрлиги Мәлимлеме хызмети