Сайт тест режиминде!

ТӘРБИЯШЫЛАРДЫӉ БЕРГЕН ТӘЛИМ-ТӘРБИЯСЫ ѲЗ НӘТИЙЖЕСИН БЕРДИ

Нѳкис қаласы мектепке шекемги билимлендириў бѳлимине қараслы 53-санлы мектепке шекемги билимлендириў шѳлкеминде «Закаўатлы  балажан» интеллектуал ойынында тәрбияланыўшылар «Айқулақ», «Жулдызша», «Қарлығаш» ҳәм «Билимданлар» топарларына бѳлинип ѳз билимлерин сынақтан ѳткерди.

Шѳлкемлестириўшилер тәрепинен берилген сораўларға шаққанлық, зийреклик ҳәм дурыс  жуўап берип, келген мийманларды таӊ қалдырды.

Ойын жуўмағында «Қарлығаш» топары 1-орынды, «Айқулақ» топары 2-орынды қалған топарлар 3-орынды ийеледи.

Жеӊимпаз топарлар шѳлкемлестириўшилер тәрепинен мүнәсип баҳаланды.

Қарақалпақстан Республикасы Мектепке шекемги билимлендириў министри Ж.Уснатдинова жеке ѳзи ойын қатнасыўшылары менен сәўбетлести. «Әзиз балажанлар сизлер ҳәзир тәрбияшыларыӊыздыӊ берген тәлим-тәрбиясын усы «Закаўатлы балажан» интеллектуал ойыны арқалы нәтийжесин кѳрсетип бердиӊиз. Сизлер арқалы тәрбияшылардыӊ билимлери сынақтан ѳткерилди. Бул ойында зийреклик, шаққанлық ҳәм тапқырлық пенен қатнасып атырғаныӊыз мени қатты қуўандырды. Бул «Закаўат» интеллектуал ойын тек ғана жаслар ушын емес, бәлким мектепке шекемги жастағы балалардыӊ да ойыны екенин дәлийлеп бердиӊиз. Келешекте ҳәр тәреплеме жетик бәркамал әўлад болып ѳсип-ѳниўиӊизге исенемен»-деп айтып ѳтти.

Бул интеллектуал ойыныӊ мектепке шекемги билимлендириў шѳлкемлериниӊ тәрбияланыўшылары арасында ѳткериў ҳәм де Республика басқышында район-қалалық мектепке шекемги билимлендириў шѳлкемлериниӊ сайланды топарлары арасында ѳткериў режеси белгиленип алынды.

ҚР Мектепке шекемги билимлендириў министрлиги Мәлимлеме хызмети