Сайт тест режиминде!

Шоманай районлық мектепке шекемги билимлендириў бөлими тәрепинен 1-июнь Халық-аралық балаларды қорғаў күнине бағышланған «Балалығым шадлығым» атлы байрам кешеси болып өтти.

Шоманай районлық мектепке шекемги билимлендириў бөлими ҳәм мектепке шекемги билимлендириў мәкемелери тәрбияланыўшылары қатнасыўында 2018-жыл 19-май күни «Шоманай аттракцион» балалар бағында  1-июнь Халық-аралық балаларды қорғаў  күнине бағышланған  «Балалығым шадлығым» ураны астында байрам кешеси болып өтти.

Байрам кешесине район хәкимлиги, прокуратураси, ишки ислер бөлими, мектепке шекемги билимлендириў бөлими, мектепке шекемги билимлендириў мәкемелери тәрбияланыўшылары ҳәм  ата-аналар қатнасты.

Байрамда мектепке шекемги билимлендириў мәкемелери тәрбияланыўшылары тәрепинен таярланған ҳар қыйлы ойын тамашалар, концерт бағдарламалары қойып берилди.

Байрам жуўмағында районлық мектепке шекемги билимлендириў бөлими тәрепинен кеше қатнасыўшылары бөлған балажанларға байрам саўғалары тапсырылды.

Кешеге қатнасқан мийманлар ҳәм тәрбияланыўшылардың ата-аналары тәрепинен кешени шөлкемлестирген районлық мектепке шекемги билимлендириў бөлимине өз миннетдаршылығын билдирди.