Сайт тест режиминде!

«JÍLDÍŃ EŃ JAQSÍ TÁRBIYASHÍSÍ-2021» KÁSIPLIK KÓRIK-TAŃLAWÍNÍŃ QARAQALPAQSTAN RESPUBLIKASÍ BASQÍSHÍ BOLÍP ÓTTI

Jɪldɪń eń tájriybeli pedagoglarɪn anɪqlaw hám tájriybe almasɪw usɪ kúnge shekem toplaǵan bilim hám tájriybelerin shɪnɪǵɪw barɪsɪnda tárbiyalanɪwshɪlarǵa ózleriniń dóretiwshiliginen kelip shɪǵɪp jańalɪq jaratɪp, tálim berip atɪrǵan tárbiyashɪlarɪmɪz kópshilikti quraydɪ.

Tárbiyashɪlar kórik-tańlaw nɪzamɪ boyɪnsha ózleriniń internet-portfoliyasɪ, tańlaw qatnasɪwshɪsɪnɪń mekepke shekemi bilimlendiriw shólkemindegi pedagogikalɪq iskerligi, socallɪq turmɪstaǵɪ, jeke jetiskenliklerin sáwlelendiretuǵɪn videorolik hám oqɪw-metodikalɪq, ilimiy, ruwxɪq-aǵartɪwshɪlɪq jumɪslarɪn kórsetiwshi materiallarɪ, diplomlarɪ, xalɪqaralɪq proektler haqqɪndaǵɪ hújjetlerin tóreshiler quramɪna usɪndɪ.

Tórshiler quramɪ tárepinen hár bir qatnasɪwshɪnɪń usɪnǵan materiallarɪnɪń mazmunɪn bayan etiliwi, materiallardɪń áhmiyetligi sonday-aq, resurslar sɪpatɪ hám qolaylɪǵɪ, jańalɪqlarɪ, oqɪw-metodikalɪq materiallarɪ bahalanɪp barɪldɪ.

Tańlaw juwmaǵɪnda «Eń jaqsɪ metodist-tárbiyashɪ» jónelisi boyɪnsha Qońɪrat rayonɪ 9-sanlɪ mektepke shekemi bilimlendiriw shólkeminiń tárbiyashɪsɪ D.Saburova, «Eń jaqsɪ dóretiwshi tárbiyashɪ» jónelisi boyɪnsha Nókis rayonɪ 10-sanlɪ mektepke shekemi bilimlendiriw shólkeminiń tárbiyashɪsɪ B.Eshmuxanova, «Innovaciya hám axborot texnologiyasɪn eń jaqsɪ qollay alatuǵɪn tárbiyashɪ» jónelisi boyɪnsha Qaraózek rayonɪ 7-sanlɪ mektepke shekemgi bilimlendiriw shólkeminiń tárbiyashɪsɪ N.Berdieva, «Eń jaqsɪ ideya jaratɪw» jónelisi boyɪnsha Nókis qalasɪ 27-sanlɪ mektepke shekemi bilimlendiriw shólkeminiń tárbiyashɪsɪ A.Ótenazarova, «Sheber qollar ustasɪ» jónelisi boyɪnsha Ámiwdariya rayonɪ 42-sanlɪ mektepke shekemi bilimlendiriw shólkeminiń tárbiyashɪsɪ F.Órazmatovalar jeńimpaz dep tabɪldɪ.

Jeńimpazlar Qaraqalpaqstan Respublikasɪ Mektepke shekemi bilimlendiriw ministrligi tárepinen «Diplom», «Ҳúrmet jarlɪǵɪ» hám bahalɪ sawǵalarɪ menen sɪylɪqlandɪ hám Ózbekistan Respublikasɪnda bolɪp ótetuǵɪn juwmaqlawshɪ basqɪshɪna jollama aldɪ.

QR Mektepke shekemgi bilimlendiriw ministrligi, málimleme xɪzmeti