Сайт тест режиминде!

«ZAKAWATLÍ BALAJAN» ATLÍ INTELLECTUAL OYÍNÍ NÓKIS RAYONÍ 4-SANLÍ BALALAR BAQSHASÍNDA BOLÍP ÓTTI.

Qaraqalpaqstan Respublikası Mektepke shekemgi bilimlendiriw ministrliginiń baslaması hám «Hoja_uz» telegram kanalınıń qospa joybarı menen birgelikte Nókis qalası mektepke shekemgi bilimlendiriw bólimine qaraslı 53-sanlı mektepke shekemgi bilimlendiriw shólkeminde  «Zakawatlı balajan» intellectual oyını Qaraqlpaqstanda birinshi márte shólkemlestirilgen edi.

Bul tájriybe sınaw maqsetinde baslanǵan intellectual oyın óz isenimin aqladı.

Bunıń ayqın mısalı sıpatında Nókis rayonı mektepke shekemgi bilimlendiriw bólimine qaraslı 4-sanlı mektepke shekemgi bilimlendiriw shólkeminde «Zakawatlı balajan» intellectual oyını bolıp ótti.

Nókis rayonı mektepke shekemgi bilimlendiriw bólimi metodisti A.Qallibekova hám rayondaǵı barlıq shólkemlerdiń metodistleri hám tárbiyashıları qatnastı.

Intellectual oyında tárbiyalanıwshılar «Qarlıǵash»,  «Shadlıq» hám «Tulpar» toparlarǵa bólinip tárbiya apalarınıń bergen bilim hám kónlikpelerin sınnan ótkerdi.

Oyın juwmaǵında 1-orın «Shadlıq», 2-orın «Qarlıǵash» hám 3-orın «Tulpar» toparları iyeledi.

Oyında shaqqanlıq, ziyreklik penen qatnasqan balalarǵa shólkemlestiriwshiler tárepınen múnásip sıylıqlandı.

«Zakawatlı balajan» intellectual oyını Respublikamız boylap keń en jayıp hám balalar baqshalarında shólkemlestirilip atırǵanlıǵı quwanıshlı jaǵday.

QR Mektepke shekemgi bilimlendiriw ministrligi, málimleme xizmeti