Сайт тест режиминде!

Búgin «Zoom» arqalı Qaraqalpaqstan Respublikası Mektepke shekemgi bilimlendiriw ministrliginde «Mektepke shekemgi bilimlendiriw sıpatın zamanagóy usıllar menen támiyinlew!» temasında avgust konferenciyası bolıp ótti.

Konferenciyada Qaraqalpaqstan Respublikası Mektepke shekemgi bilimlendiriw ministri J.Usnatdinova, ministrliktiń xızmetkerleri, mektepke shekemgi bilimlendiriw bólim baslıqları hám shólkem direkorları qatnastı.

Qaraqalpaqstan Respublikası Mektepke shekemgi bilimlendiriw tarawında 2020-2021 oqıw jılında islengen jumıslardıń juwmaǵı hám 2021-2022 oqıw jılı ushın tiykarǵı wazıypalar belgilep alıw boyınsha bayanat  jasadı.

Sonda-aq, balalardı baslanǵısh talimge májbúriy bir jıllıq tayarlawǵa basqıshpa-basqısh ótiw, pedagogika kolledjleriniń 2021-2022 taza oqıw jılına tayarlıq haqqında hám Ózbekstan Respublikası Mektepke shekemgi bilimlendiriw ministrliginiń 2019-jıl 30-avgustaǵı 155-sanlı Mámleketlik mektepke shekemgi bilimlendiriw shólkemleri pedagoglarınıń hújjetleri haqqında buyriǵı hám mektepke shekemgi bilimlendiriw shólkemlerinde tálim-tárbiya processiniń «Ilk qadam» hám «Ilm yóli» baǵdarlamasına muwapıq islengen jumıslardıń juwmaǵı boyinsha keńnen toqtalıp ótildi. Sonıń menen bir qatarda balalardı mektepke shekemgi bilimlendiriw shólkemlerine qabılaw haqqında da aytıldı.

Konferenciya juwmaǵında Mektepke shekemgi bilimlendiriw tarawlarında pidayı xızmet islep atırǵan xızmetkerler ministrlik tárepinen múnásip xoshametlendi.

Konferenciya qatnasıwshılardıń pikir hám usınısları tıńlanıp, baslanajaq taza oqıw jılı ushın wazıypalar belgilenip alındı.

 

QR Mektepke shekemgi bilimlendiriw ministrligi, Málimleme xızmeti