Сайт тест режиминде!

Нөкис қаласында реабилитация орайына ийе мектепке шекемги билимлендириў мəкемеси Иске түсти

Өзбекстан Республикасы Президентинин 2018-жыл 16-августдағы «Арал бойы балалары ушын арнаўлы саламатластырыў (реабилитация) орайына ийе болған көп тармақлы Мамлекетлик мектепке шекемги билимлендириў мекемеси шөлкемлестириў бойынша ис-илажларҳакқында»ғы ПҚ-3909-санлы Қарарына тийкарланып Қарақалпағыстан Республикасы Министрлер Кеңеси 2018-жылы 20-августдағы 518-санлы қарары орынланыўын тәмийинлеў мақсетинде Нөкис қаласы «Нур» МПЖ аймағынан 1,2 га жер ажыратылып, 125 ден 150 орынға мөлшерленген «Имкон» мамлекетлик арнаўлы реабилитация орайына ийе болған көп тармақлы мектепке шекемги билимлендириў мәкемеси шөлкемлестирилди.

Өзбекстан Республикасы Мектепке шекемги билимлендириў министрилиги ҳам қәўендерлер есабынан шөлкемлестирилген мәкемениң материаллық-техникалық базасын беккемлеў ушын керекли көргизбе-кураллар, ойыншықлар ҳам медицина ускенелери менен тәмийинленди.

Мәкеменин Уставы ислеп шығылып дизиминен өткизилди. штат кестеси ҳам смета қарежетлери тастыйиқланып Қарақалпағыстан Республикасы Финанс министрлиги дизиминен өткизилди. Сондайак, мәкемениң жеке бюджет есап бети ҳам «Өзсанаатқурылысбанк» тарепинен валюта есабы ашылды.

Өзбекстан Республикасы Мектепке шекемги билимлендириў министрлигиниң 2019-жыл 22-январдағы 01-03/2-15-санлы Қарақалпағыстан Республикасы Ден-саулықты сақлаў министрлигине жиберилген хатына тийкарланған 2019-жыл 4-5-февраль күнлери Өзбекистан Республикасы Ден-саулықты сақлаў министрлиги шыпакерлери Нөкис қаласы, Шымбай, Тахтакопир, Кегейли, Шоманай, Хожели, Тахиаташ, Қараўзек районларында денсаулығында кемшилиги болған 2,5 жастан 7 жасқа шекемги 150 ден артық балаларды медициналық көриктен өткизди.

Төрткүл, Елликқала, Беруний ҳам Амудəрья районларының балалары 2019-жыл 11-февраль күни Хорезм уалиятында өткизилген медициналық көригине қатнастырылды.

Реабилитация орайына танлаў тийкарында 70 медицина хызметкери қабылланды. Жумысқа қабылланған шыпакерлер ҳам педагоглардан 36 хызметкер қәнигелиги бойынша Ташкент қаласына 10 күнлик тәжирийбесин арыттырыў мақсетинде сапарда болып қайтты.

Буннан тысқары, шыпакер ҳам педагог хызметкерлери тәжирийбесин арттырыў мақсетинде шет елге барып келди.

Олардан: педиатр Б.Байниязова, невропатологлар Г.Кенжебаева, Л.Нурабуллаева, психиатр М.Саидова, ортопедлер А.Баймуратов, С.Палымов, мийирбийкелер Э.Тасқинбаева, М.Тлеубергенова ҳәм А.Исмаиловалар жами 9 медицина хызметкерлери 2019-жыл 10-23-февраль күнлери Россия Федерациясы Москва қаласында, 6 педагог Н.Кудайбергенова, М.Нургалиева, Ким Идея, Т.Есбергенова, Г.Камилова ҳəм Б.Абдуллаевалар  2019-жыл 12-19-февраль кунлери Россия Федерациясы Санкт-Петербург қаласындағы А.И.Герцен атындағы педагогика институтында қәнийгелгин арттырып келди.

2019-жыл30-март күни қәўендерлер тәрепинен, бюджет есабынан тыскары, еки (2) делюкс Дамас автомобильлери сауға етилди.

Нөкис қаласы «Нур» МПЖда жайласқан 125-150 орынға мөлшерленген жаңадан шөлкемлестирилген, Арал бойы балалары ушын «Имкон» атлы мәмлекетлик арнаўлы реабилитация орайына ийе болған көп тармақлы (ҳәрекети шекленген, көриўинде ҳәм еситиўинде, психикалық жақтан раўажланыўында кемшилиги болған балалар ушын) 10 топардан ибарат, мектепке шекемги билимлендириў мәкемесиниң 2019-жыл 4-апрель күни салтанатлы ашылыў кешеси болып өтти.

 



Spelling error report

The following text will be sent to our editors: