Сайт тест режиминде!

Мойнақ районы “Арал” макән пуқаралар жыйыны аймағындағы 11-санлы “Сурхан қуяшы” Мәмлекетлик мектепке шекемги билимлендириў шөлкеминиң салтанатлы ашылыў кешеси болып өтти

Өзбекстан Республикасы Президентиниң 2018 жыл
15 ноябрдеги Қарақалпақстан Республикасына сапары даўамында Мойнақ районын комплекс социал економикалық раўажландырыў бойынша ис-илажлар дәстури  белгиленген еди.

Усы мунәсебет пенен дәстур тийкарында Сурхандаря ўалаяты
«Сурхон саноат қурилиш» компаниясы тәрепинен Мойнақ районы балаларына саўға ретинде 70 орынлы бақша имаратының қурылыс жумыслары тамамланып бүгин пайдаланыўға тапсырылмақта.

Мойнақ районы Арал макән пуқаралар жыйыны аймағында 3-7-жаслы балалар саны 180 баланы қурап усы аймақта мәмлекетлик мектепке шекемги билимлендириў шөлкеми болмағанлығы себепли ҳәм аймақтағы 3-7 жаслы балаларды бақшаға қамтып алыў режелестирилген.

Бул бақша имараты «Сурхон саноат қурилиш» компаниясы тәрепинен қәўендерлик тийкарында Мойнақ балаларына саўға ретинде қурылып бүгин пайдаланыўға тапсырылмақта. “Сурхан қуяшы” Мәмлекетлик мектепкешекемги билимлендириў шөлкеми қурылыс жойбары бойынша 3 млрд 285 553,467 сум болып жойбаршы “Мемор Архитектура Сервис” тәрепинен 70 орынлы, балалардың тәлим-тәрбия алыўы ушын ҳәр тәреплеме қолайлықларға ийе, заманагөй инвентарлар менен тәмийинленген ҳәм балалардың сыпатлы ҳәм нәтийжели тәлим тәрбия алыўы ушын барлық қолайлықлар жаратылған.