Сайт тест режиминде!

«ТӘЛИМ-ТӘРБИЯ СЫПАТЫН ТӘМИЙИНЛЕЎ ҲӘМ МЕТОДИКАЛЫҚ ХЫЗМЕТТИ ШӨЛКЕМЛЕСТИРИЎ» АТАМАСЫНДА СЕМИНАР-ТРЕНИНГ БОЛЫП ӨТТИ.

Нөкис районы мектепке шекемги билимлендириў бөлими тәрепинен «Тәлим-тәрбия сыпатын тәмийинлеў ҳәм методикалық хызметти шөлкемлестириў» атамасында Қырантаў АПЖ аймағы, Шортанбай елатында жайласқан 13-санлы мектепке шекемги билимлендириў шөлкеминде «Дәслепки қәдем» Мәмлекетлик оқыў бағдарламасы ҳәм балалардыӊ раўажланыў картасыныӊ жүритилиўи, дәслепки ҳәм ерте жастағы балалар раўажланыўына қойылатуғын мәмлекетлик талаплар сондай-ақ, 6 китаптан нәтийжели пайдаланыў бойынша семинар-тренинг өткерилди.

Семинарға мәмлекетлик мектепке шекемги билимлендириў шөлкеми методист ҳәм тәрбияшылары қатнасты. Илаж  даўамында педагоглар тараўда әмелге асырылып атырған жумыслар, жаӊалықлар ҳәм оқыў методлар менен танысып барды. Педагоглар семинар даўамында әмелий жумыслар орынлап, өз тәжирийбелери менен алмасты ҳәм өзлерин қызықтырған сораўларға жуўаплар алды.

 

ҚР Мектепке шекемги билимлендириў министрлиги, Мәлимлеме хызмети